चिंचवड (Pclive7.com):- तरुणाला जीवे मारण्याच्या उद्देशाने पाच जणांनी त्याच्यावर वार करत बेदम मारहाण केली. तसेच परिसरात दहशत निर्माण केली. ही घटना बुधवारी (दि.८) सायंकाळी साडेसहा वाजता रहाटणी येथील आकाश गंगा सोसायटीच्या मोकळ्या मैदानाजवळ घडली.
याप्रकरणी मन्सुर शेख (वय २४, रा. काळेवाडी) यांनी काळेवाडी पोलिस ठाण्यात फिर्याद दिली आहे. त्यानुसार बप्पा सातपुते, दीपक सातपुते (रा. थेरगाव), वैभव पहाडे यांच्यावर गुन्हा दाखल केला आहे. तर सूरज पिंगळे (२४, रा. रहाटणी) व शुभम जाधव (रा. गुजरनगर) या दोघांना अटक केली आहे.
पोलिसांनी दिलेल्या माहितीनुसार, फिर्यादी व संशयित आरोपी सूरज पिंगळे यांच्यामध्ये एक महिन्यापूर्वी वाद झाला होता. बुधवारी फिर्यादी व त्यांचा मित्र प्रसाद चव्हाण उभे असताना त्यांना सूरजने बोलावून घेतले. त्यावेळी मागच्या भांडणाचा राग मनात धरून बाकी साथीदारांना बोलावत मन्सुर शेख यांना मारहाण केली.
‘तू काय इथला भाई झालाय का, मी इथला भाई आहे, माझी दहशत माहीत नाही का तुला’ असे म्हणत बप्पा सातपुते याने मन्सुर यांच्यावर चाकूने वार केला. तर दीपक याने त्याच्या हातातील कोयत्याने वार केला.
Join Our Whatsapp Group