सेवा वर्धिनी : ‘एक मुठ्ठी अनाज’ अभियान; लहान योगदानातून आकार घेणारी सामाजिक क्रांती..!

“आज या अभियानाने एक सामाजिक क्रांती चे रूप घेतले आहे. कुणीही उपाशी पोटी झोपू नये या साठी सगळे कार्यकर्ते या अभियानात योगदान देत आहेत. अभियानाच्या माध्यमातून जरी रोज ७०० मुलांच्या जेवणाची व्यवस्था होत असली तरीसुद्धा हि एक छोटीशी सुरवात आहे. आम्हाला महाराष्ट्रातील कानाकोपर्यातील गरजू संस्था पर्यंत पोहचायचे आहे. हा मार्ग खडतर असला तरी आमचे कार्यकर्ते हे सहज शक्य करतील असा विश्वास आहे. सर्व कार्यकर्त्यांनी निश्चयाचा महामेरू हाती घेतला आहे.”  

– विनोद पाटील, अध्यक्ष

“आपण समाजासाठी काही करतोय याचे समाधान वाटते. अभियानाच्या पारदर्शक कार्यपद्धतीमुळे समाजाचा प्रचंड विश्वास या अभियानावर आहे.”  

– केशव जोशी, पिंपळे सौदागर

“दर महिन्याला ३२ हजार कुटुंब आमच्या विनंतीला मान देऊन समाजच्या वंचित घटकांना मदत करण्यासाठी पुढे येतात.”  

– अनिकेत देशमुख, सचिव, वाकड

“या सामाजिक चळवळीचा भाग म्हणून मला अभिमान वाटतो. ‘एक मुठ्ठी अनाज’ अभियानाच्या माध्यमातून १००+ सोसायट्यांपर्यंत पोहोचण्याचा आमचा निश्चय आहे—आणि आम्ही ते साध्य करणारच.”  

– विवेक कासट, कार्यकारिणी सदस्य

💬  

‘एक मुठ्ठी अनाज’ ही संकल्पना नव्हे, ती संवेदनशीलतेची चळवळ आहे. एका मुठीतून जे शक्य आहे ते केवळ अन्नदान नाही—ते एका समाजाची गरज ओळखून पुढाकार घेणं आहे. दर महिन्याला हजारो हात एकत्र येतात… आणि हजारो जिवांना दिलासा मिळतो. ही मुठ आता एक चळवळ झाली आहे.