पिंपरी (Pclive7.com):- मदनलाल धिंग्रा मैदान निगडी येथे झालेल्या शालेय जिल्हास्तरीय क्रिकेट स्पर्धेत राजमाता जिजाऊ कनिष्ठ महाविद्यालय लांडेवाडी भोसरी येथील १९ वर्षाखालील मुलांच्या संघाने अंतिम सामन्यात सलग सहाव्यांदा विजेतेपद संपादन करून रोमहर्षक विजय मिळविला.
१९ वर्षाखालील मुलांच्या अंतिम सामन्यात प्रथम नाणेफेक जिंकलेल्या राजमाता जिजाऊ ज्युनिअर कॉलेजच्या संघाने १० ओव्हर मध्ये ०४ बाद १४३ धावांचे आव्हान सिम्बॉयसिस ज्युनिअर कॉलेज संघाला दिले होते. त्याला प्रत्युत्तर देताना सिम्बॉयसिस जुनियर कॉलेजच्या संघ हे आव्हान पूर्ण करू शकला नाही. त्यांनी १० ओव्हर मध्ये ओव्हर ६८/७ धावा काढल्या, त्यामुळे सलग सहाव्यांदा विजयाची नोंद केली. या विजयात हर्षिल सावंत, सार्थक देसाई, वेदांत हंचे यांनी आक्रमक फलंदाजी करत धावांचा डोंगर उभा केला. तसेच आर्यन यादव, गुंजन सावंत, रणवीर राजपूत, सम्यक फिरोदिया यांनी चांगली गोलंदाजी करत विरोधी संघाला अपेक्षित धावसंख्या करू दिली नाही व संघाला विजय मिळवून देण्यात महत्त्वाची भूमिका बजावली. त्यामुळे राजमाता जिजाऊ ज्युनिअर कॉलेजच्या संघाची दिनांक १७ व १८ नोव्हेंबर २०२५ या कालावधीत त्रिमूर्ती सैनिकी स्कूल नेवासा फाटा, जि. अहिल्यानगर येथे होणाऱ्या शालेय विभागस्तरीय क्रिकेट स्पर्धेसाठी निवड करण्यात आली.
या विजयी संघात गुंजन सावंत, आदित्य कापरे, ऋषिकेश शिंदे, रणवीर राजपूत, अभिनव केंगार, वेदांत हंचे, हार्दिक मोटे, संतोष चव्हाण, सार्थक देसाई, अभिनव जमदाडे आर्यन यादव, सुधीश साठे, हर्षिल सावंत, अर्पण धर, सम्यक फिरोदिया, शंतनू फाटे या खेळाडूंचा समावेश होता. या सर्व खेळाडूंना कनिष्ठ महाविद्यालयाचे शारीरिक शिक्षण संचालक प्रा. गोपीचंद करंडे व प्रशिक्षक श्री.दत्तात्रेय वाळके यांचे विशेष मार्गदर्शन लाभले.
या खेळाडूंच्या यशाबद्दल संस्थेचे अध्यक्ष व भोसरीचे प्रथम आमदार विलासराव लांडे यांनी विशेष अभिनंदन करून खेळाडूंना विभागीय स्पर्धेसाठी शुभेच्छा दिल्या. तसेच संस्थेचे खजिनदार व पिं.चिं.मनपा स्थायी समिती माजी अध्यक्ष अजित भाऊ गव्हाणे, संस्थेचे सचिव सुधीरभाऊ मुंगसे, माजी नगरसेवक व संस्थेचे विश्वस्त विक्रांत लांडे, महाविद्यालयाचे प्राचार्य डॉ.कानडे के.जी, उपप्राचार्य प्रा.किरण चौधरी, कनिष्ठ महाविद्यालयाच्या उपप्राचार्या डॉ.नेहा बोरसे, रजिस्ट्रार सौ.अश्विनी चव्हाण, विभाग प्रमुख प्रा. राजू हजारे, प्रा.योगिता बारवकर, प्रा. संगिता गवस व प्राध्यापक वृंद व शिक्षकेतर कर्मचारी यांनी विशेष अभिनंदन केले.
Join Our Whatsapp Group