आज गुरुवार १४ जानेवारीला श्रवण नक्षत्रामध्ये सूर्योदय होत आहे. यासोबतच आज सूर्य धनु राशीतून मकर राशीमध्ये प्रवेश केल्यामुळे उत्तरायण सुरु होत आहे. आजपासून वसंत ऋतू सुरु होतो. यामुळे मकरसंक्रांतीला सुख-समृद्धीचे प्रतीक मानले जाते. आजची ग्रहस्थिती १२ पैकी ७ राशीच्या लोकांसाठी खास राहील. नोकरी आणि व्यवसायातील अडचणी दूर होतील. महत्त्वाची कामे पूर्ण होतील. इतर पाच राशीच्या लोकांसाठी दिवस संमिश्र फळ देणारा राहील.
मेष: शुभ रंग: क्रिम : अंक : ९
नेते मंडळींची लोकप्रियता वाढेल. भवना व कर्तव्य यांचा समन्वय साधणे कठीण जाईल. मित्र दगा देतील.
वृषभ: शुभ रंग: तांबडा : अंक : १
नोकरीत वरीष्ठ गोड बोलून राबवून घेतील. शासकिय कामे रखडतील. आज सहज काही साध्य होणार नाही पण तुमच्या प्रयत्नांस दैवाची साथ नक्की लाभेल.
मिथुन : शुभ रंग : पांढरा : अंक : ८
व्यावसायिक चढउतारांचा सामना करावा लागेल.काही मनाविरूध्द घटना मनास बेचैन करतील. वैवाहीक जिवनांत जोडीदारही आपल्याच मतावर अडून बसेल.
कर्क : शुभ रंग : जांभळा : अंक : ३
रिकामटेकडी चर्चा फक्त वादास निमंत्रण देईल. आज फक्त कृतीस प्राधान्य देणे गरजेचे आहे. इगो दुखावेल.
सिंह :शुभ रंग : सोनेरी : अंक : ९
कार्यक्षेत्रात प्रगतीचा आलेख चढता राहील. वैवाहिक जिवनात सकाळचे मतभेद संध्याकाळ पर्यंत मिटतील.
कन्या : शुभ रंग : पिस्ता : अंक : ७
दुपारनंतर विविध मार्गाने आर्थिक लाभ होणार आहेत. आज भावनेच्या भरात दिलेले शब्द पाळाल.
तूळ : शुभ रंग : निळा : अंक : ६
आज कौटुंबिक कर्तव्ये पार पाडण्यासाठी वेळ काढावा लागेल. मुलांना दिलेले शब्द पाळावे लागणार आहेत.
वृश्चिक : शुभ रंग : मोरपंखी : अंक : ५
नोकरदारांना नोकरीत बदल करण्यासाठी चांगल्या संधी उपलब्ध होतील. लेखकांना लिखाणे प्रसिध्द होतील.
धनु : शुभ रंग : केशरी : अंक : ४
दुपारनंतर विविध मार्गाने आर्थिक लाभ होतील. गायक मंडळींना आज रसिकांकडून वन्स मोअर मिळेल.
मकर : शुभ रंग : डाळिंबी : अंक : ३
आज स्वत:चे लाड पुरवाल. उच्च राहणी व उच्च विचारसरणी असे तुमचे आज धोरण असणार आहे.
कुंभ : शुभ रंग : स्ट्रॉबेरी : अंक : १
आज काही अती आवश्यक खर्च हात जोडून उभे असतील. जमाखर्चाचा मेळ घालणे जरा अवघड जाईल.
मीन : शुभ रंग : गुलाबी : अंक : २
गैरसमजाने दुरावलेले नातलग जवळ येतील. सरकार दरबारी रखडलेली काही कामे दुपारनंतर मार्गी लागतील. इच्छापूर्ती होईल.
Join Our Whatsapp Group 