पिंपरी (Pclive7.com):- फ्लिपकार्टच्या हबमधून मोबाईल चोरणाऱ्या दोन डिलिव्हरी बॉयला अटक करण्यात वाकड पोलिसांना यश आले आहे. आरोपींकडून सहा लाखांचे २४ मोबाईल जप्त करण्यात आले आहेत. आशिष भाऊसाहेब भोसले, पियुष गोविंद मोहिते यांसह एका अल्पवयीन मुलावर गुन्हा दाखल करण्यात आला आहे. फ्लिपकार्टचा दिवाळी आणि दसऱ्यापूर्वी ‘बिग बिलियन डे’ हा सेल असतो आणि या सेलच्या दरम्यान या डिलिव्हरी बॉयने २४ मोबाईल लंपास केले होते.
पोलिसांनी दिलेल्या माहितीनुसार, फ्लिपकार्टच्या हबमधून मोबाईल चोरी करणाऱ्या दोन डिलिव्हरी बॉयला अटक करण्यात आली आहे. त्यांच्याकडून सहा लाखांचा मुद्देमाल जप्त करण्यात आला आहे. फ्लिपकार्टच्या हबमधील मॅनेजरच्या तक्रारीवरून कामगारांनी ९ लाख ४७ हजारांचे ३८ मोबाईल चोरीला गेल्याची तक्रार केली होती. वाकड पोलीस ठाण्याचे वरिष्ठ पोलीस निरीक्षक गणेश जवादवाड यांच्या मार्गदर्शनाखाली तपास करण्यात आला. दसरा आणि दिवाळीच्या अगोदर फ्लिपकार्टमध्ये ‘बिग बिलियन डे’ हा सेल असतो, त्या काळात ग्राहकांच्या खरेदीचे प्रमाण वाढलेले होते. फ्लिपकार्टच्या हबमध्ये मोठ्या प्रमाणावर वस्तूंची आवक-जावक वाढली होती. त्याचा फायदा घेऊन डिलिव्हरी बॉय आशिष भाऊसाहेब भोसले, पियुष गोविंद मोहिते यांसह अल्पवयीन मुलाने सहा लाखांचे २४ मोबाईल फोन लंपास केले होते. अखेर त्यांना बेड्या ठोकण्यात पोलिसांना यश आले आहे.
सदरची कारवाई वाकड पोलीस ठाण्याचे वरिष्ठ पोलीस निरीक्षक गणेश जवादवाड, पोलीस निरीक्षक (गुन्हे) विठ्ठल साळुंखे, सहायक पोलीस निरिक्षक संतोष पाटील, पोलीस उपनिरिक्षक सचिन चव्हाण, सहायक पोलीस फौजदार बिभीषण कन्हेरकर, बाबाजान इनामदार, राजेंद्र काळे, पोलीस हवालदार संदीप गवारी, स्वप्निल खेतले, दिपक साबळे, अतिश जाधव, प्रमोद कदम, बंदु गिरे, पोलीस नाईक प्रशांत गिलबीले, अतिक शेख, विक्रांत चव्हाण, राम तळपे, पोलीस शिपाई अजय फल्ले, भास्कर भारती, स्वप्निल लोखंडे, सौदागर लामतुरे, कॉतेय खराडे, विनायक घारगे, रमेश खेडकर, सागर पंडीत (परि-०२ कार्यालय) यांनी मिळून केली आहे.
Tags: वाकड पोलीस स्टेशन