पिंपरी (Pclive7.com):- पिंपळे गुरव येथील सह्याद्री आदिवासी संस्थेच्या सभागृहात दहा दिवस सुरु असलेला राष्ट्रवादी काँग्रेस अनुसूचित जमाती सेल, आदिवासी समन्वय समिती, आणि राजगृह लोकोत्तर धम्म विनय ट्रस्ट आयोजित रांगोळी, वारली चित्रकला, भाषण कला व ढोल ताशा वादन कला प्रशिक्षण वर्ग संपन्न झाला.
या प्रसंगी माजी विरोधी पक्षनेते नाना काटे, राष्ट्रवादी काँग्रेसचे शहराध्यक्ष अजित गव्हाणे, महिला अध्यक्षा कविता अल्हाट यांच्या हस्ते प्रशिक्षणार्थीना प्रमापत्र देण्यात आले. तर रांगोळी – अमर लांडे, वारली चित्रकला वैशाली लेणे, पियुषा जाधव, ढोल ताशा अभिजित पवार, अजिंक्य गायकवाड, तुषार भवारी वैष्णवी कराळे, गौरी कराड या प्रशिक्षकांना मान्यवरांच्या हस्ते सन्मानित करण्यात आले.
मंचावरून बोलताना शहराध्यक्ष अजित गव्हाणे यांनी या उपक्रमाचे कौतुक करीत सहभागी विद्यार्थी, महिला, युवक आणि पालक यांना या कलेचा जनसेवेसाठी उपयोग करावा यासाठी शुभेच्छा दिल्या.
कार्यक्रमाचे मुख्य आयोजक राष्ट्रवादी अनुसूचित जमाती सेल शहराध्यक्ष विष्णू शेळके यांनी आपल्या प्रास्ताविकात सुट्टीत मामांच्या, आजीच्या गावाला जाण्यापूर्वी काहीतरी नविन शिकावे, कला आत्मसात करावी याकरीता सर्वच वयोगटाला सामावून घेणाऱ्या या उपक्रमा ची संकल्पना व उद्देश मांडला.
या कार्यक्रमास छत्रपती शिवाजी महाराज वनश्री राज्यस्तरीय महाराष्ट्र शासन पुरस्कार प्राप्त वृक्षमित्र अरूण पवार, राजगृह संस्थेच्या राजश्रीताई जाधव, माजी नगरसेवक राजेंद्र जगताप, राष्ट्रवादीचे युवा नेते शाम जगताप, उद्योजक मैनुद्दीन शेख, तानाजी जवळकर, बाळासाहेब पिलेवार, ज्येष्ठ नेते देवेंद्र तायडे, रोहित जाधव तसेच सेलचे पदाधिकारी महिला शहराध्यक्षा सुशिला जोशी, शितल मडके, दिलिप लोखंडे आदि उपस्थित होते.
कार्यक्रमाचे आभार सेलच्या महिला सरचिटणीस सुनिता कोळप मानले. कार्यक्रमाच्या सूत्र संचालन आणि संयोजनात रूपाली लांडे, सगुणा गारे, प्रतिभा कांबळे, सविता मुंढे आणि शिवसाह्याद्री वाद्य पथकाचा यांचा सिंहाचा वाटा होता.
Join Our Whatsapp Group