चिखली (Pclive7.com):- जरा सरक, मला बसायला जागा द्या असं म्हटल्याच्या कारणावरून तिघांनी मिळून एका तरुणाला बेदम मारहाण केली आहे. ही घटना चिखली येथील चाय गरम या हॉटेलमध्ये घडली. याप्रकरणी मोई येथील तरुण रुपेश सुभाष जाधव (वय १७) यांनी अजय राठोड, यश साठे, गौरव थोरात (सर्व राहणार घरकुल चिखली प्राधिकरण) यांच्या विरोधात चिखली पोलिसात फिर्याद दिली आहे.
पोलिसांनी दिलेल्या माहितीनुसार रविवारी (दि.०१) दुपारी एक वाजण्याच्या सुमारास चिखली येथील चेरी चौक येथे असलेल्या चाय गरम या हॉटेलमध्ये फिर्यादी रुपेश जाधव हा चहा नाश्त्यासाठी आला होता. यावेळी हॉटेलमध्ये बसलेल्या अजय राठोड याला त्याने जरा सरक, मला बसायला जागा द्या असं म्हटल्याच्या कारणावरून अजय राठोड संतापला. तू मला ओळखत नाही का? मी अजय राठोड मला सगळे अज्जु बचकांड म्हणतात. हे माझे मित्र यश साठे आणि गौरव थोरात आहेत. आम्ही सर्व घरकुल मध्ये राहतो. आमचा कोणीच नाद करत नाही. तू मला सरक म्हणतो? असे म्हणत तिघांनी मिळून शिवीगाळ करत रुपेश जाधव याला लाथाबुक्क्यांनी बेदम मारहाण केली.
याप्रकरणी रुपेश जाधव या तरुणाने चिखली पोलिसात त्या तिघांच्या विरोधात गुन्हा दाखल केला असून पोलीस पुढील तपास करीत आहेत.
Join Our Whatsapp Group