मोशी कचरा डेपोवरील ताण कमी करण्यासाठी पर्यायी जागांचा शोध..!

“मोशी कचरा डेपोचा प्रश्न हा केवळ एका परिसराचा नसून, संपूर्ण पिंपरी-चिंचवड शहराच्या पर्यावरण, नागरिकांचे आरोग्य आणि भावी पिढ्यांच्या सुरक्षिततेशी निगडित आहे. त्यामुळे या प्रश्नावर तात्पुरते नव्हे, तर शाश्वत आणि वैज्ञानिक उपाययोजना करणे ही काळाची गरज आहे. आमदार महेश लांडगे यांच्या मार्गदर्शनाखाली मोशी कचरा डेपोवरील ताण कमी करण्यासाठी पर्यायी वेस्ट प्रोसेसिंग प्रकल्प उभारण्याच्या दृष्टीने विविध जागांची पाहणी करण्यात येत असून, संरक्षण विभागाच्या ताब्यातील उपलब्ध जागेबाबतही सकारात्मक चर्चा करून महापालिका आयुक्तांकडे आवश्यक पाठपुरावा करण्यात येणार आहे. शहरातील घनकचरा व्यवस्थापन अधिक सक्षम, पर्यावरणपूरक आणि नागरिकाभिमुख करण्यासाठी आम्ही कटिबद्ध असून, भविष्यात मोशीसारखी परिस्थिती निर्माण होणार नाही, यासाठी सर्व संबंधित यंत्रणांच्या समन्वयातून प्रभावी उपाययोजना राबविण्यास प्राधान्य दिले जाईल.”

– निखिल बोऱ्हाडे, अध्यक्ष, ‘क’ प्रभाग (विजयदुर्ग), भारतीय जनता पार्टी.