राजमाता जिजाऊ उद्यानात तीन दिवस रंगला दांडियाचा उत्सव; आबालवृद्धांचा उत्स्फूर्त सहभाग
पिंपळे सौदागर (Pclive7.com):- नवरात्रोत्सवाच्या उत्साहपूर्ण वातावरणात उन्नती सोशल फाउंडेशनच्या वतीने आयोजित दांडिया महोत्सव व नृत्य स्पर्धा यंदाही मोठ्या जल्लोषात पार पडल्या. पिंपळे सौदागर येथील राजमाता जिजाऊ उद्यानाच्या परिसरात शनिवार, दि.१७ ते सोमवार, दि.१९ ऑक्टोबरदरम्यान आयोजित या महोत्सवात आबालवृद्धांनी उत्स्फूर्त सहभाग नोंदविला. दांडियाच्या तालावर थिरकणारे नागरिक, विविध नृत्य स्पर्धांमधील कलाकारांचा उत्साह आणि उपस्थितांचा भरभरून प्रतिसाद यामुळे संपूर्ण परिसरात उत्सवी वातावरण निर्माण झाले. सामाजिक एकोपा, सांस्कृतिक परंपरांचे जतन आणि नागरिकांना एकत्र आणण्याच्या उद्देशाने आयोजित या महोत्सवाने पिंपळे सौदागर परिसरात विशेष रंगत आणली.
या महोत्सवाचे उद्घाटन मा. आमदार अश्विनी जगताप आणि पिंपरी-चिंचवड भाजपचे शहराध्यक्ष शत्रुघ्न (बापू) काटे यांच्या हस्ते करण्यात आले. यावेळी नगरसेविका अनिता काटे, सामाजिक कार्यकर्ते व गोसेवक ह.भ.प. विजय शेठ जगताप, पी. के. इंटरनॅशनल स्कूलचे संचालक जगन्नाथअप्पा काटे, सामाजिक कार्यकर्ते संदेश काटे, सपना काटे, उद्योजक राजू भिसे, ऑल सिनिअर सिटिझन्स असोसिएशनचे सचिव सखाराम ढाकणे, आनंद हास्ययोग क्लबचे अध्यक्ष दिगंबर राजगुरे, लिनियर गार्डन ज्येष्ठ नागरिक संघटनेचे अध्यक्ष अशोक वारकर आणि उन्नती सखी मंचच्या सदस्या यांची प्रमुख उपस्थिती होती. उन्नती सोशल फाउंडेशनचे संस्थापक श्री. संजय भिसे तसेच पिंपरी-चिंचवड महानगरपालिकेच्या विधी समितीच्या सदस्या तथा नगरसेविका डॉ. कुंदाताई संजय भिसे यांच्या हस्ते प्रमुख पाहुण्यांचा सत्कार करण्यात आला.
उद्घाटनप्रसंगी आमदार अश्विनी जगताप, भाजपचे शहराध्यक्ष शत्रुघ्न (बापू) काटे आणि नगरसेविका अनिता काटे यांनी मनोगत व्यक्त करून उन्नती सोशल फाउंडेशनच्या दांडिया महोत्सवाला शुभेच्छा दिल्या. सामाजिक आणि सांस्कृतिक उपक्रमांच्या माध्यमातून नागरिकांना एकत्र आणण्याचे कार्य कौतुकास्पद असल्याचे त्यांनी नमूद केले.
सामाजिक उपक्रमांतून नागरिकांशी नाते अधिक दृढ होते – डॉ. कुंदा संजय भिसे
नगरसेविका डॉ. कुंदा संजय भिसे म्हणाल्या, “उन्नती सोशल फाउंडेशनच्या माध्यमातून वर्षभर विविध सामाजिक, सांस्कृतिक आणि जनहिताचे उपक्रम राबविले जातात. दांडिया महोत्सव हा केवळ मनोरंजनाचा कार्यक्रम नसून विविध वयोगटांतील नागरिकांना एकत्र आणणारा आणि त्यांच्या कलागुणांना वाव देणारा उपक्रम आहे. अशा कार्यक्रमांमुळे सामाजिक एकोपा वाढतो, महिलांना आणि युवकांना आपले कौशल्य सादर करण्याची संधी मिळते, तसेच ज्येष्ठ नागरिकांनाही उत्सवात सहभागी होता येते. नागरिकांचा मिळणारा उत्स्फूर्त प्रतिसाद हीच आमच्या कार्याची प्रेरणा आहे. यापुढेही नागरिकांच्या सहभागातून सामाजिक बांधिलकी जपणारे उपक्रम सातत्याने राबविण्यात येतील.”
सांस्कृतिक परंपरांचे जतन करणारे उपक्रम कौतुकास्पद – मा. आमदार अश्विनीताई जगताप
आमदार अश्विनीताई जगताप म्हणाल्या, “नवरात्रोत्सव हा भक्ती, शक्ती आणि सांस्कृतिक परंपरेचा उत्सव आहे. दांडिया महोत्सवासारख्या कार्यक्रमांमुळे नागरिकांना एकत्र येण्याची, आनंद साजरा करण्याची आणि आपल्या परंपरांचे जतन करण्याची संधी मिळते. उन्नती सोशल फाउंडेशनने सातत्याने अशा उपक्रमांचे आयोजन करून नागरिकांना एक चांगले व्यासपीठ उपलब्ध करून दिले आहे. या महोत्सवाला मिळालेला उत्स्फूर्त प्रतिसाद आनंददायी असून, फाउंडेशनच्या पुढील सामाजिक व सांस्कृतिक वाटचालीस माझ्या मनःपूर्वक शुभेच्छा आहेत.”
लोकसहभागातून सामाजिक एकात्मतेला बळ – शत्रुघ्न (बापू) काटे
पिंपरी-चिंचवड भाजपचे शहराध्यक्ष शत्रुघ्न (बापू) काटे म्हणाले, “समाजातील विविध घटकांना एकत्र आणण्यासाठी सांस्कृतिक उपक्रम महत्त्वाची भूमिका बजावतात. अशा कार्यक्रमांमुळे नागरिकांमध्ये आपुलकीची भावना निर्माण होते आणि सामाजिक एकात्मता अधिक दृढ होते. उन्नती सोशल फाउंडेशनने दांडिया महोत्सवाच्या माध्यमातून नागरिकांना आनंदाचा अनुभव देण्याबरोबरच सांस्कृतिक परंपरा जपण्याचा प्रयत्न केला आहे. नागरिकांचा मोठा सहभाग आणि कार्यक्रमाचे उत्तम आयोजन कौतुकास्पद आहे. फाउंडेशनच्या आगामी उपक्रमांनाही नागरिकांनी असाच प्रतिसाद द्यावा.”
सामाजिक आणि सांस्कृतिक उपक्रमांतून समाज जोडण्याचे कार्य महत्त्वाचे – ह.भ.प. विजय शेठ जगताप
सामाजिक कार्यकर्ते व सेवेकरी ह.भ.प. विजय शेठ जगताप म्हणाले, “समाजसेवा ही केवळ गरजू व्यक्तींना मदत करण्यापुरती मर्यादित नसून समाजातील प्रत्येक घटकाला एकत्र आणणे, परस्परांमध्ये आपुलकी निर्माण करणे आणि आनंदाचे क्षण सर्वांसोबत साजरे करणे हेदेखील समाजकार्याचे महत्त्वाचे अंग आहे. उन्नती सोशल फाउंडेशनच्या माध्यमातून विविध सामाजिक उपक्रमांसोबतच अशा सांस्कृतिक कार्यक्रमांचे आयोजन केले जाते, ही आनंदाची बाब आहे. दांडिया महोत्सवाला आबालवृद्धांनी दिलेला उत्स्फूर्त प्रतिसाद समाजातील एकात्मतेचे प्रतीक आहे. भविष्यातही अशा उपक्रमांच्या माध्यमातून समाजाची सेवा आणि सांस्कृतिक परंपरांचे जतन घडत राहो, अशा शुभेच्छा मी व्यक्त करतो.”
तीन दिवस चाललेल्या या महोत्सवात नृत्य स्पर्धांच्या माध्यमातून सहभागी कलाकारांना आपले कलागुण सादर करण्याची संधी मिळाली. नागरिक, महिला, युवक आणि ज्येष्ठ नागरिक यांच्या सहभागामुळे महोत्सवाला विशेष रंगत आली. उत्साह, आनंद आणि सामाजिक एकोप्याचा संदेश देणारा हा महोत्सव यशस्वी करण्यासाठी उन्नती सोशल फाउंडेशनच्या पदाधिकारी व सदस्यांनी पुढाकार घेतला.
उन्नती सोशल फाउंडेशनचे संस्थापक संजय भिसे आणि नगरसेविका डॉ. कुंदाताई संजय भिसे यांच्या पुढाकारातून आयोजित या महोत्सवाने पिंपळे सौदागर परिसरातील नागरिकांना एकत्र येण्याची आणि सांस्कृतिक उत्सवाचा आनंद घेण्याची संधी उपलब्ध करून दिली. सामाजिक बांधिलकी, सांस्कृतिक जतन आणि लोकसहभाग यांचा सुंदर संगम घडविणारा हा दांडिया महोत्सव उत्साहपूर्ण वातावरणात संपन्न झाला.
यावेळी मावळ लोकसभेचे खासदार श्रीरंग आप्पा बारणे, प्रकाश झिंझुर्डे, बाळासाहेब काटे, वाल्मीक कुटे, महेंद्र झिंझुर्डे, प्रकाश झिंझुर्डे, संजय काटे, धनंजय भिसे, उद्योजक राजू भिसे, विशाल जगताप, अतुल पाटील, विजय बांगरे यांच्यासह उन्नती सोशल फाउंडेशनचे सदस्य पिंपळे सौदागर मधील नागरिक बंधू-भगिनी मोठ्या संख्येने उपस्थित होते.
Join Our Whatsapp Group