अहमदाबाद – निवडणूक आयोगाने एका इलेक्ट्रॉनिक जाहिरातीत ‘पप्पू’ शब्दाचा वापर करण्यावर गुजरातमध्ये सत्ताधारी भाजपवर बंदी घातली आहे. या जाहिरातीमध्ये काँग्रेस उपाध्यक्ष राहुल गांधी यांना लक्ष्य करण्यात आले असून, ते ‘अवमानजनक’ असल्याचे म्हटले जात आहे.
या जाहिरातीमधील कोणत्याही शब्दाचा कोणत्याही व्यक्तीशी संबंध नाही, असे भाजप सूत्रांनी सांगितले आहे. पण, जेव्हा राहुल गांधी यांच्यावर निशाणा साधला जातो. तेव्हा सोशल मीडियावर ‘पप्पू’ या शब्दाचा वापर केला जातो.
गुजरातमध्ये सध्या विधानसभा निवडणुकीचे वारे सुरू आहेत. त्यामुळे दोन्ही पक्षाने कंबर कसली असून, आरोप-प्रत्यारोपाच्या फेऱ्या सुरू आहेत.