पिंपरी (Pclive7.com):- यशवंतराव चव्हाण द्रुतगती मार्गावर हायवे ट्रॅफीक मॅनेजमेंट सिस्टम अंतर्गत मुंबई वाहिनीवर महामार्ग सुरक्षा विभाग केंद्र वडगाव हद्दीत कि.मी ७४/९०० व खंडाळा हद्दीत कि.मी ५६/९०० येथे गॅन्ट्री उभारण्याचे काम करण्यात येणार आहे. हे काम आज गुरुवारी (दि.७) १२ वा ते दुपारी २ वाजेदरम्यान करण्यात येणार आहे. त्यामुळे या काळात जुना मुंबई – पुणे महामार्गावरून मुंबई दिशेला वळविण्यात येणार आहे.
महाराष्ट्र राज्य रस्ते विकास महामंडळामार्फत हे काम गुरुवारी दुपारी १२ वा ते दुपारी २ वाजेदरम्यान करण्यात येणार आहे. या कालावधीत मुंबई वाहिनीवरील सर्व प्रकारची अवजड वाहतूक तसेच छोटी वाहने किवळे पुलावरून जुना मुंबई – पुणे महामार्गावरून मुंबई दिशेला वळविण्यात येणार आहे. पुणे ते मुंबई जुना महामार्गावरून येणारी सर्व प्रकारची वाहने कुसगाव टोल नाका येथून एक्सप्रेस वेवर मुंबई दिशेने सोडण्यात येणार आहेत.
Join Our Whatsapp Group