चिंचवड (Pclive7.com):- स्व. राजीव गांधी प्रतिष्ठानच्या वतीने भारतरत्न देशाचे माजी पंतप्रधान स्वर्गीय राजीव गांधी यांची ८० वी जयंती साजरी करण्यात आली. प्रतिष्ठानचे अध्यक्ष संदेश नवले यांच्या हस्ते राजीव गांधी यांच्या प्रतिमेस पुष्पहार अर्पण करून सद्भावना दिन साजरा करण्यात आला. राहुल राऊत यांनी सदभावना दिनाची प्रार्थना केली. यावेळी स्वर्गीय राजीव गांधी प्रतिष्ठानच्या वतीने २०२४ चा जीवन गौरवपुरस्कार ह.भ.प. विष्णुदास नामदेव ढवळे महाराज यांना देण्यात आला.
![](https://pclive7.com/wp-content/uploads/2024/08/IMG-20240806-WA0031-1-300x150.jpg)
हा सन्मान ह.भ.प. बबरुवाहन वाघ महाराज व ह.भ.प. राजेंद्र महराज मोरे आणि ह.भ.प. प्रशांत मोरे महाराज यांच्या हस्ते पुरस्कार प्रदान करण्यात आला. संत तुकाराम महाराज यांची पगडी उपरणे व राजीव गांधी यांची प्रतिमा देऊन सन्मान करण्यात आला. यावेळी शिवाजी महाराज वाघ, ह.भ.प. पांडुरंग पवार, ह.भ.प. हिरामण देवकर, योगेश जाधव, शंकर गायकवाड, संदीप कदम, कार्यक्रमात उपस्थित होते.
ह.भ.प. ढवळे महाराज म्हणाले, स्व. राजीव गांधी यांनी देशातील युवक व युवतींसाठी व शेतकऱ्यांसाठी भरीव काम केले आहे. स्व.राजीव गांधी यांनी डिजिटल इंडिया आणलेली आहे. संदेश नवले म्हणाले, स्व. राजीव गांधी यांनी पंचायत राज मजबूत केले. युवकांना मतदानाचा अधिकार दिला व युवकांना कॉम्पुटर व मोबाईल हातात दिला. भारतातील संगणक क्रांतीचे जनक राजीवजी गांधींनी युवकांच्या हृदयात मध्ये ठसा उमटला आहे.
यावेळी आभार संदीप जगताप यांनी केले. प्रतिक नवले यांनी पसायदान म्हणून कार्यक्रमाची सांगता केली. वारकरी लोकांना स्व. राजीव गांधी यांच्या जयंती निमित्त अन्नदान करण्यात आले.