पिंपरी (Pclive7.com):- उच्चभ्रू समजल्या जाणाऱ्या लोढा सोसायटीतील एका फ्लॅटमध्ये केवळ दोन हजार रुपये भाडे देऊन जुगार व्यवसाय चालवणाऱ्या सहा जणांना पिंपरी-चिंचवड पोलिसांच्या गुन्हे शाखा युनिट चारने अटक केली आहे. याप्रकरणी युनिट ४ चे पोलीस नाईक अंजनराव सोडगिर यांनी शिरगाव पोलिसांत फिर्याद दिली आहे.
पोलिसांनी केलेल्या कारवाईत १) अरुण लालबहादुर खरोसे वय २७ वर्षे, धंदा ड्रायव्हर रा. जयराज रेसीडेन्सी फलॅट नं.१ बी विंग सांगवी ता. हवेली जि. पुणे, २) संजयकुमार रेणसिध्द गुत्तेदार वय ३० वर्षे, धंदा बार मॅनेजर, रा. जुनी सांगवी मुळा नगर संकल्प हाउस ता. हवेली जि. पुणे, ३) संदिप राजेंद्र वडमारे वय-३५ वर्षे धंदा हॉटेल रा. पिंपळेगुरव गणेशनगर साईश्रृष्टी आपार्टमेंट प्लॅट नंबर २ ता. हवेली जि. पुणे, ४) सुरेश दिगंबर माळी वय-४५ वर्षे धंदा ड्रायव्हर रा. जुनी सांगवी हेरीटेज सोसायटी बी विंग प्लॅट नंबर ४०१ ता. हवेली जि. पुणे, ५) अमन संजु सेनानी वय-३५ वर्षे धंदा डिलव्हरी बॉय रा. पिंपळेगुरव भालेकर नगर ता. हवेली जि. पुणे, ६) चित्रसेन भगवान घरवाडवे वय-३३ वर्षे, डिलेव्हरी बॉय रा. पिंपळेगुरव साईश्रृष्टी ता. हवेली जि. पुणे या सहा जणांना पोलिसांनी अटक केली आहे.
पोलिसांनी दिलेल्या माहितीनुसार, लोढा सोसायटीमधील बिल्डींग नं.२८ मधील फ्लॅट नंबर १२०७ मध्ये अवैध जुगार खेळला जात असल्याची माहिती पोलिसांना मिळाली. त्यानुसार (दि.२७) रोजी रात्री साडेआठ वाजण्याच्या सुमारास पोलिसांच्या पथकाने छापा टाकून ७५ हजारांचा मुद्देमाल जप्त करत सहा जणांना अटक केली आहे.
अनेक प्रतिष्ठित नागरिक राहणाऱ्या या उच्चभ्रू सोसायटीमध्ये अनेक फ्लॅट मालक प्रतिदिन २ ते ३ हजार रुपये घेत फ्लॅट प्रायव्हेट पार्टीसाठी व इतर कामांसाठी भाड्याने देत असल्याच्या तक्रारी वाढू लागल्या आहेत. या कारवाईमुळे राहिवाशांच्या सुरक्षेबाबत आणि सोसायटीचा गैरवापर रोखण्याबाबत गंभीर प्रश्न निर्माण झाले आहेत.
याप्रकरणी शिरगाव पोलिसांनी महाराष्ट्र जुगार कायदा १८८७ कलम ४ प्रमाणे गुन्हा दाखल केला असून पुढील तपास सहाय्यक पोलीस फौजदार काळे हे करीत आहेत.
Join Our Whatsapp Group