पिंपरी (Pclive7.com):- पिंपरी चिंचवड महापालिकेच्या संत तुकारामनगर येथील यशवंतराव चव्हाण स्मृती (वायसीएम) रूग्णालयात शहरासह जिल्हा व राज्यभरातून शेकडो रूग्ण उपचारासाठी दाखल होता. शहरातील रूग्ण व त्यांच्या नातेवाईकांसाठी २० रूपये नाममात्र दरात ‘नमो थाळी’चा स्टॉल सुरू करण्यात आला आहे.
त्यामुळे रूग्णालयातील विशेषत: शहराबाहेरील रूग्ण व त्यांच्या नातेवाईकांची जेवणाची सोय झाली आहे. पंतप्रधान नरेंद्र मोदी यांच्या वाढदिवसानिमित्त या अनोख्या व सेवाभावी उपक्रमाची सुरूवात गुरूवारी (दि.१७) करण्यात आली. उपक्रमाचे उद्घाटन भाजपचे शहराध्यक्ष आमदार महेश लांडगे यांच्या हस्ते झाले. या वेळी महापौर उषा उर्फ माई ढोरे, उपमहापौर व मुख्य संयोजक तुषार हिंगे, नगरसेवक शीतल शिंदे, अॅड. मोरेश्वर शेडगे तसेच, अमित गोरखे, रूग्णालयाचे अधिष्ठाता डॉ. राजेंद्र वाबळे, पदाधिकारी आदी उपस्थित होते.
या संदर्भात उपमहापौर व या उपक्रमाचे संयोजक तुषार हिंगे यांनी सांगितले की, दररोज दुपारी व सायंकाळी असे दोन वेळेला सकस जेवण उपलब्ध करून दिले जाणार आहे. या नमो थाळीचा दर २० रूपये असा नाममात्र आहे. त्यामुळे ती सर्वसामान्य रूग्ण व त्यांच्या नातेवाईकांना परवडणारी आहे. विशेषत: शहराबाहेरील रूग्ण व त्यांच्या नातेवाईकांना या उपक्रमांचा अधिक लाभ होणार आहे.
Join Our Whatsapp Group