लोणावळ्यात विक्रमी पावसाची हजेरी.. ४८ तासांत ४३४ मिलिमीटर पावसाची नोंद

गेल्या वर्षी आजच्या तारखेपर्यंत २५९२ मिलिमीटर पावसाची नोंद झाली होती. तर यंदा मात्र केवळ १७४४ मिलिमीटर इतका पाऊस कोसळला आहे. लोणावळ्यामध्ये सलग दोन दिवसांपासून कोसळत असलेल्या पावसामुळे या मोसमातील विक्रमी पाऊस झाला आहे. यामुळे नदी नाले तुडुंब भरून वाहत आहेत. सर्वांच्या आवडीचं ठिकाण म्हणजे भुशी धरण हे देखील ओसंडून वाहत आहे.

भुशी धरणाच्या आजूबाजूला पर्यटकांची मोठी गर्दी नेहमी पाहायला मिळते. छोटे-मोठे धबधबे सह्याद्रीच्या डोंगरावरून खाली पडत असल्याचं मनमोहक चित्र बघायला मिळत आहे. गेल्या वर्षीच्या तुलनेत यावर्षी पाऊस कमीच आहे. त्यामुळे काही प्रमाणात चिंता व्यक्त केली जात आहे.