पिंपरी (Pclive7.com):- पुणे जिल्ह्यात गेल्या दोन दिवसांपासून अतिमुसळधार पाऊस चालू असल्यामुळे जनजीवन विस्कळीत झाले आहे. त्यामुळे पुणे जिल्ह्यातील सर्व शाळा आज (दि .२५) बंद ठेवण्याचे आदेश जिल्हाधिकारी डॉ. सुहास दिवसे यांनी दिले आहेत.
![](http://pclive7.com/wp-content/uploads/2024/07/IMG-20240725-WA0004-213x300.jpg)
हवामान विभागाने येत्या काही तासात पुणे शहर, पिंपरी चिंचवड शहर, भोर, वेल्हा, मावळ, मुळशी, हवेली तालुक्यातील खडकवासला परिसरात अतिमुसळधार पावसाचा इशारा दिला असल्याने (रेड अलर्ट) या भागातील शाळा २५ जुलै रोजी बंद ठेवण्याचे आदेश जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ.सुहास दिवसे यांनी दिले आहेत.
![](http://pclive7.com/wp-content/uploads/2024/07/IMG-20240624-WA00001-300x300.jpg)
खडकवासला धरणातून ४० हजार क्यूसेक विसर्ग सुरू होत आहे. तसेच पुणे शहराच्या सखल भागात पाणी साचण्याची शक्यता आहे. त्यामुळे नागरिकांनी दक्षता बाळगावी आणि आवश्यकता असेल तरच घराबाहेर पडावे असे आवाहन जिल्हाधिकारी डॉ.दिवसे यांनी केले आहे.