पिंपरी चिंचवड महापालिकेच्या वतीने संविधान दिन व महात्मा जोतीराव फुले यांच्या स्मृतिदिनानिमित्त आजपासून तीन दिवसीय कार्यक्रमाचे आयोजन

पिंपरी (Pclive7.com):- पिंपरी चिंचवड महानगरपालिकेच्या वतीने वर्षभर विविध प्रबोधनात्मक कार्यक्रमांचे आयोजन करण्यात येते. यंदा भारतीय संविधान दिन व क्रांतिसूर्य महात्मा जोतीराव फुले यांच्या स्मृतिदिनानिमित्त विविध प्रबोधनात्मक कार्यक्रमांचे आयोजन करण्यात आले आहे.

पिंपरी येथील छत्रपती क्रांतिसूर्य महात्मा जोतीराव फुले व डॉ. बाबासाहेब आंबेडकर स्मारका जवळ (भिमसृष्टी) येथे २६ ते २८ नोव्हेंबर दरम्यान विविध प्रबोधनात्मक कार्यक्रम होणार आहेत. या प्रबोधन पर्वाचे उद्घाटन उद्या (बुधवार) सायं. ४.३० वाजता छत्रपती क्रांतिसूर्य महात्मा जोतीराव फुले व डॉ. बाबासाहेब आंबेडकर स्मारका जवळ (भिमसृष्टी) येथे महापालिका आयुक्त तथा प्रशासक श्रावण हर्डीकरयांच्या हस्ते होणार आहे. या कार्यक्रमासाठी आजी-माजी खासदार, आजी-माजी आमदार, माजी नगर सदस्य,माजी नगरसदस्या तसेच विविध सामाजिक क्षेत्रातील पदाधिकारी, कार्यकर्ते उपस्थित राहणार आहेत.

या दोन दिवसीय विचार प्रबोधन पर्वामध्ये भारतीय संविधान तसेच महात्मा जोतीराव फुले यांचे जीवन चरित्र सांगणारे व्याख्यान, गीते, असे विविध कार्यक्रम होणार असल्याची माहिती अशी माहिती महापालिका आयुक्त तथा प्रशासक श्रावण हर्डीकर यांनी दिली आहे.