पिंपरी (Pclive7.com):- पिंपरी चिंचवड मराठवाडा चॅरिटेबल ट्रस्ट एकसंघ समितीच्या वतीने मराठवाडा मुक्तीसंग्राम दिन गुरुवारी (दि. २०) रोजी साजरा करण्यात येणार आहे. त्यानिमित्त पिंपरी चिंचवड शहरात विविध कार्यक्रमाचे आयोजन करण्यात आले आहे. सायंकाळी सहा वाजता पिंपळे गुरव येथील नटसम्राट निळू फुले नाट्यगृह येथे मराठवाडा मुक्तीसंग्राम दिनाचा उद्घाटन समारंभ मान्यवरांच्या हस्ते करण्यात येणार आहे. अशी माहिती मराठवाडा जनविकास संघाच्या वतीने पत्रकार परिषदेत देण्यात आली.
या पत्रकार परिषदेस मराठवाडा जनविकास संघ संचलित मराठवाडा चॅरिटेबल ट्रस्ट एकसंघ समितीचे पिंपरी चिंचवड अध्यक्ष अरूण पवार, स्विकृत नगरसेवक गोपाळ माळेकर, माधव मनोरे, मारुती बानेवार यावेळी उपस्थित होते.
या कार्यक्रमासाठी प्रमुख पाहुणे म्हणून कामगार मंत्री संभाजी निलंगेकर, पुणे जिल्हाचे पालकमंत्री गिरीश बापट, खासदार अमर साबळे, आमदार सुजितसिंह ठाकूर, सामाजिक न्याय मंत्री दिलीप कांबळे, भारतीय जैन संघटनेचे संस्थापक शांतीलाल मुथा, पुण्याचे विभागीय आयुक्त दीपक म्हैसेकर, कार्यक्रमाचे अध्यक्ष भाजपचे पिंपरी चिंचवड शहराध्यक्ष तथा आमदार लक्ष्मण जगताप, प्राधिकरणाचे अध्यक्ष सदाशिव खाडे, पीएमआरडीचे किरण गित्ते, शहराचे महापौर राहुल जाधव, उपमहापौर सचिन चिंचवडे, आमदार महेश लांडगे, सत्तारूढ पक्षनेते एकनाथ पवार, स्थायी समितीच्या सभापती ममता गायकवाड, माजी उपमहापौर शैलजा मोरे, आयुक्त श्रावण हर्डीकर यावेळी उपस्थित राहणार आहे.
या वेळी मराठवाडा मुक्तीसंग्राम दिनानिमित्त विविध पुरस्कारांचे आयोजन आले आहे. मराठवाडा भूषण जीवन गौरव पुरस्कार शिक्षण क्षेत्र डॉ. भाऊसाहेब जाधव, प्रशासकीय – मधुकर तेलंग, सामाजिक – भूषण कदम, वैद्यकीय – डॉ. रमाकांत जोशी, वृक्षसंवर्धन अण्णा जोगदंड यांना पुरस्काराने गौरविण्यात येणार आहे.
दरम्यान, सायंकाळी सहा वाजता पिंपळे गुरव येथील नटसम्राट निळू फुले नाट्यगृह येथे मराठवाडा मुक्तीसंग्राम दिनाचा उद्घाटन समारंभ मान्यवरांच्या हस्ते करण्यात येणार आहे. यावेळी डॉ नागनाथ कोत्तापल्ले यांचे मराठवाडा मुक्ती संग्राम या विषयावर व्याख्यान होणार आहे. तसेच कृष्णाई उळेकर यांचा मराठवाड्याची लोककला हा सांस्कृतीक कार्यक्रम सादर होणार आहे.
मराठवाड्यातील नागरिकांनी मराठवाडा मुक्तीसंग्राम दिनाच्या कार्यक्रमास मोठ्या संख्येने उपस्थित रहावे, असे आवाहन मराठवाडा चॅरिटेबल ट्रस्ट एकसंघ समितीच्या वतीने करण्यात आले आहे.
Join Our Whatsapp Group