भाजपा शहराध्यक्ष व आमदार महेश लांडगे यांचा पाठपुरावा; रस्ता बाधित कुटुंबांना पर्यायी भूखंड वाटपाला सुरुवात
पिंपरी (Pclive7.com):- गेल्या १० वर्षांपासून रखडलेल्या स्पाईन रोड बधितांना अखेर न्याय मिळाला आहे. रस्ता बाधित कुटुंबांना पर्यायी भूखंड वाटपाला सुरू झाली आहे. स्पाईन रोड बधितांना न्याय मिळावा यासाठी आमदार महेश लांडगे यांनी शासनाकडे वेळोवेळी पाठपुरावा केला. त्यांच्या पाठपुराव्याला अखेर यश मिळाले आहे. त्यामुळे नागरिकांमधून देखील समाधान व्यक्त केले जात आहे.
मौजे तळवडे येथील त्रिवेणीनगर चौक येथून जाणा-या स्पाईन रस्त्यामधील बाधित रहिवाशांच्या पुनर्वसनासाठी तत्कालीन नवनगर विकास प्राधिकरण कार्यालयाकडून पेठ क्र. ११ मधील निवासी जागेमधील १ व २ क्षेत्र अनुक्रमे १२०५९.७२ व २७३२.२८ चौरस मीटर असे एकूण १४ हजार ७८४ चौरस मीटर क्षेत्र मनपाने बाधितांकरीता घेतलेले आहे. यामध्ये प्राधिकरणाने १३२ भूखंडचा लेआऊट मंजूर केलेला आहे. लेआऊटमधील भूखंडांची सोडत तीन टप्प्यांमध्ये करण्यात आलेली आहे. यामध्ये बाधित झालेल्या ज्या व्यक्तींनी कागदपत्रांची पुर्तता केलेली आहे, त्यांच्या बरोबर भूखंडाचा दस्त नोंदविणेकामी प्राधिकरण कार्यालयाकडे पाठविण्यात आलेले आहेत.
शुक्रवारी (दि.१५) भोसरी विधानसभा मतदारसंघाचे आमदार महेश लांडगे, महापालिकेचे अतिरिक्त आयुक्त जितेंद्र वाघ, सहायक आयुक्त प्रशांत जोशी, यांच्या समक्ष दुय्यम नोंदणी कार्यालय २४, निगडी प्राधिकरण या ठिकाणी प्रातिनिधीक स्वरुपात १२ दस्त नोंदविण्यात आलेले आहेत. यापुढे इतर दस्त तातडीने नोंदविण्याची कार्यवाही केली जाणार आहे. त्याबाबतच्या सूचना आमदार लांडगे यांनी अधिकारी वर्गास केलेल्या आहेत. दस्त नोंदणी सुरु झाल्यामुळे अनेक दिवसापासून बाधितांची गैरसोय झालेली दुर होणार आहे. त्यामुळे त्यांच्यामध्ये उत्साहाचे वातावरण आहे.
ज्या बाधितांनी कागदपत्रांची पुर्तता केलेली नाही, त्यांनी तातडीने पुर्तता करुन देणेत यावी. जेणेकरू एकत्रितपणे सदर ठिकाणी विकासाची कामे करणे किंवा बांधकामाकरीता पुढील कामकाज करणेकामी सोयीचे होणार आहे. याबाबतही सर्वांना आवाहन करण्यात येईल, असे आमदार लांडगे म्हणाले.
Join Our Whatsapp Group