पुणे (Pclive7.com):- पुण्यातील महत्वाच्या गणपतींपैकी एक अशी ओळख असलेल्या श्रीमंत दगडूशेठ गणपतीला आज पाच हजार शहाळ्यांचा महानैवेद्य दाखवण्यात आला. पुष्टिपती विनायक जयंतीनिमीत्त या सोहळ्याचं खास आयोजन करण्यात आलं होतं. राज्यभरात पसरलेल्या दुष्काळाचं सावट दूर होऊ दे, पाण्याचं दुर्भिक्ष कमी होऊ दे, शेतकऱ्यांच्या आत्महत्या थांबाव्यात यासाठी यावेळी प्रार्थना करण्यात आली.
अक्कलकोट येथे स्थायिक असणारे वकिल रविंद्र खैराटकर यांनी गणपतीला पाच हजार शहाळ्यांचा महानैवेद्य अर्पण केला. श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळातर्फे या सोहळ्याचं आयोजन करण्यात आलं होतं. शनिवारी सूर्योदयाच्या वेळी सकाळी सहा वाजून पाच मिनीटांनी गणेशजन्म सोहळा पार पडला. या सोहोळ्यापूर्वी पहाटे पं. शौनक अभिषेक यांनी स्वराभिषेकाच्या माध्यमातून गायनसेवा अर्पण केली. तसेच गणेशयाग आणि सत्यविनायक पूजा देखील मंदिरामध्ये करण्यात आली.
Join Our Whatsapp Group