शॉपिंग फेस्टच्या माध्यमातून स्थानिक लघुउद्योजकांसाठी व्यासपीठ – कुंदाताई भिसे
पिंपरी (Pclive7.com):- पुवो ग्रुप फेसबुक तर्फे पुण्यातील आय.टी. रेसिडेन्स हब म्हणून ओळखल्या जाणाऱ्या पिंपळे सौदागर येथील ग्राहकांसाठी मकर संक्रांती स्पेशल तीन दिवसीय पुवो शॉपिंग फेस्टचे आयोजन करण्यात आले आहे. विमल गार्डन याठिकाणी आमदार लक्ष्मण जगताप यांच्या हस्ते या शॉपिंग फेस्टचे उद्घाटन झाले.
यावेळी नगरसेवक शत्रुघ्न काटे, उन्नती सोशल फाउंडेशनच्या अध्यक्षा कुंदाताई भिसे, पिंपरी चिंचवड महिला मोर्चाच्या उपाध्यक्ष्या कांचन काटे, उन्नती फॉउंडेशनचे संजय भिसे, शेजल राय आदी उपस्थित होते.
यावेळी आमदार जगताप, नगरसेवक शत्रुघ्न काटे आणि कुंदाताई भिसे यांनी महिला उद्योजकांच्या स्टॉलवर जाऊन संवाद साधला. करोना महामारीमुळे येणाऱ्या महिला उद्योजकांच्या अडीअडचणीही ऐकून घेतल्या. महिलांच्या स्टॉलला प्रत्यक्ष्य भेट दिल्याने या उद्योजक महिलांचा उत्साह वाढला.
या तीन दिवसीय प्रदर्शनातून सुंदर शोभेच्या वस्तू, हातमागावरचे फॅब्रिक, महाराष्ट्र तसेच राजस्थान, केरळ येथून तयार होणाऱ्या हँड ब्लॉक प्रिंटेड फाब्रिक डिझाईनर साड्या, खण साड्या, रेडी टू वेअर ब्लाऊज, कॉटन मेन्स शर्ट्स आणि किड्स वेअर, सुगंधी हॅन्डमेड सोप, ब्युटी प्रॉडक्ट्स, फोटोवरून भरतकाम करून रेखाटलेले व्यक्तिचित्र, भित्तिचित्र, लग्न सण-समारंभाला देण्यासारख्या भेटवस्तू, नाजूक कोरीवकाम केलेले फॅब्रिक आणि ट्रॅडिशनल दागिने घरगुती खाद्यपदार्थ, घर व किचन यासाठी उपयुक्त गोष्टी यांची खरेदी करता येईल, या मकर संक्रांती स्पेशल शॉपिंग फेस्ट मध्ये शंभराहून अधिक स्टॉल असणार आहेत.
पुवो फेस्ट हा अतिशय सुंदर उपक्रम असून महिलांच्या प्रगतीला नवीन आयाम देण्याचे काम या मध्येच्या माध्यमातून होणार असल्याची भावना नगरसेवक शत्रुघ्न काटे यांनी व्यक्त केली. व या फेस्टला शुभेच्छा दिल्या.
दरम्यान, फेस्टला शुभेच्छा देताना कुंदाताई भिसे म्हणाल्या कि, पुवो शॉपिंग फेस्टसारख्या उपक्रमांमुळे स्थानिक लघु उद्योजकांसाठी एक चांगले व्यासपीठ उपलब्ध होत असून त्यांच्या आर्थिक उन्नतीसाठी अशा फेस्टचे सातत्याने आयोजन होणे आवश्यक आहे. त्यासाठी उन्नती सोशल फाउंडेशन आग्रही असून या फेस्टच्या आयोजनासाठी सहकार्यासाठी आम्ही सदैव तयार आहोत.
Join Our Whatsapp Group