मंत्री पंकजा मुंडेंना कॉल आणि अश्लील मेसेज करणाऱ्या तरुणाला भोसरी येथून अटक

निखिल भामरे यांनी मुंबई नोडल सायबर पोलिसांकडे यासंदर्भात तक्रार दिली आणि पोलिसांचे या प्रकाराकडे लक्ष वेधले. पोलिसांनी भारतीय न्याय संहितेच्या कलम ७८ आणि ७९ नुसार गुन्हा दाखल केला होता. 

भोसरी येथून आरोपीला अटक..

गुन्हा नोंदवल्यानंतर पोलिसांनी तपास सुरू केला. आरोपीचा शोध घेत असताना तो पुण्यातील असल्याचे समोर आले. त्यानंतर पोलिसांनी त्याला भोसरी येथून अटक केली. आरोपीने पंकजा मुंडेंना कॉल आणि अश्लील मेसेज का पाठवले? त्याने कुणाच्या सांगण्यावरून हे केलं का? यात आणखी कोणी सहभागी आहे का? या अंगानेही पोलीस तपास करत आहेत. अमोल काळे याला पुण्यातील भोसरी येथून अटक करण्यात आली. पण तो मूळचा बीड जिल्ह्यातील परळी येथील असल्याचीही माहिती आहे, पण याबद्दल दुजोरा मिळू शकलेला नाही.