पिंपरी (Pclive7.com):- नॅशनल मॅथेमॅटिक्स दिनानिमित्त पूर्णानगर येथील औद्योगिक शिक्षण मंडळ संचालित सीएसआयटी जुनियर कॉलेजमध्ये विविध कार्यक्रमांचे आयोजन करण्यात आले होते.
प्राचार्य अपर्णा मोरे मॅडम आणि प्रमुख पाहुणे डॉ. जयश्री सुरवसे मॅडम (डायरेक्टर S.P.G international school and junior college, Bhosari) यांनी सरस्वती देवी आणि गणित तज्ञ श्रीनिवास रामानुजन यांच्या प्रतिमेचे पूजन केले. डॉ. जयश्री सुरवसे मॅडम यांनी विद्यार्थ्यांना करिअर गायडन्स इन मॅथेमॅटिक्स आणि इम्पॉर्टन्स ऑफ मॅथेमॅटिक्स इन डिफेन्स बद्दल माहिती दिली. त्याचबरोबर विविध अभ्यासक्रमांच्या प्रवेशासाठी लागणाऱ्या स्पर्धा परीक्षांसंदर्भात मार्गदर्शन केले.
अनेक विद्यार्थी विविध उपक्रमात सहभागी झाले होते. विद्यार्थ्यांनी विविध गणितीय खेळणी बनविली, आणि गणितीय रांगोळ्या काढल्या. सूत्रसंचलन विद्यार्थिनी पवित्रा ठाकूर हिने केले. प्रमुख पाहुण्यांची ओळख प्रा. आम्रपाली लांडगे मॅडम यांनी दिली. गणित तज्ञ श्रीनिवास रामानुजन यांची माहिती व गणित विषयाचे महत्त्व प्रा. युगंधरा चौधरी यांनी सांगितले व कार्यक्रमाची सांगता प्रा. सरिता शिंदे मॅडम यांनी केली.
Join Our Whatsapp Group