पिंपरी (Pclive7.com):- एक दिवस निःशुल्क रुग्णवाहिका सेवा देत सामाजिक कार्यकर्ते मारुती गणपतराव जाधव यांचा वाढदिवस स्तुत्य उपक्रमाने साजरा करण्यात आला. या सेवेचा अनेक गरजूंनी लाभ घेतला.
शहरामधील सर्व नागरिकांसाठी पिंपरी चिंचवड हद्दीमध्ये पिंपरी चिंचवड महानगरपालिकेच्या वायसीएम हॉस्पिटल मधील सर्व रुग्णवाहिका दि.०२ मे २०२४ रोजी एक दिवसासाठी मोफत देण्यात आली. तसेच वायसीएम हॉस्पिटल मधील साफसफाई करणारे कर्मचाऱ्यांचा सन्मान करून एका आगळ्या वेगळ्या पद्धतीने मारुती जाधव यांचा वाढदिवस साजरा करण्यात आला. वाढदिवसावर होणारा अवाढव्य खर्च न करता समाजासाठी आपण काहीतरी देणे लागतो या भावनेतून सामाजिक बांधिलकी जपत मारुती जाधव यांनी वाढदिवस साजरा केला. त्यांनी केलेल्या या उपक्रमाचे सर्वच स्तरातून कौतुक होत आहे.
Join Our Whatsapp Group