एकविरा गडावर मधमाश्यांचा भाविकांवर हल्ला, अनेकजण जखमी

रंगीत धुराच्या फटाक्यामुळे मधमाश्यांचा भाविकांवर हल्ला

मुंबईच्या कुलाबा येथून देवीची पालखी गडावर पोहोचली होती. पालखीत सहभागी भाविकांनी मंदिराजवळ रंगीत धुराचे फटाके लावले. फटाक्यांच्या आवाजाने आणि धुरामुळे मंदिर परिसरातील मधमाश्यांच्या पोळ्याला धक्का बसला. त्यामुळे संतप्त मधमाशांनी भाविकांवर हल्ला चढवला. यात अनेक भाविकांची पळापळ झाली तर बहुतेक भाविकांना मध्यमाश्यानी चावा घेऊन जखमी केले.

एकविरा गडावर फटाका बंदी कायम ठेवण्याची मागणी

मुंबईच्या कुलाबा येथून देवीची पालखी आली होती, त्या पालखीतल्या काही भक्तांनी फटाके वाजविले त्याचा फटका बाकीच्या भक्तांना ही बसला. मात्र गडावर फटाके वाजविण्यावर बंदी असताना ही काही भाविक याकडे दुर्लक्ष करतात एकविरा गडावर फटाका बंदी कायम असावी अशी मागणी स्थानिकांनी केली आहे.