पिंपरी (Pclive7.com):- विविध भारती म्युझिकल इव्हेंट प्रस्तुत कृष्ण धवल काळातील खास अवीट गोडीच्या व्हिज्युअल हिंदी गीतांचा नजराणा असलेल्या नि:शुल्क सांगीतिक मैफलीला रसिकांनी भरभरून दाद दिली. याप्रसंगी अनिल घाडगे, विलास गाधडे, राजेंद्र लढ्ढा, साहेब राव कावळे, मोहन भस्मे, ॲड. स्मिता शेटे, उषा शेटे, आरती जंगम, या मान्यवरांची प्रमुख उपस्थिती होती.
निगडी प्राधिकरणातील ग. दि. माडगूळकर नाट्यगृहात (छोटे सभागृह) रविवार, दिनांक ९ मार्च २०२५ रोजी आयोजित करण्यात आलेल्या विशेष सांगीतिक मैफलीत विनायक कदम, नंदकुमार कांबळे, शैलेश घावटे, शुभांगी पवार, नेहा दंडवते, छाया अय्यर, सुचिता शेटे – शर्मा, डॉक्टर सायली, अरुण सरमाने, अनिल जंगम, निलेश मोरे, विष्वांत काळोखे, या गायक कलाकारांनी आपल्या एकल आणि युगुलस्वरातील सादरीकरणातून कृष्णधवल चित्रपटांतील स्वरानुभूती रसिकांना दिली.
त्यात “दुनिया बनाने वाले,..” , “गोरे गोरे बाकी छोरे …” , “अफसाना लिख रही हुं…” , “बाबूजी धीरे चलना ..” , आयेगा आनेवाला आयेंगा ” , “यू तो हमने लाख हंसी देखे हैं ..” अशा एकल गीतांनी मैफलीत रंग भरले जात असतानाच अतिशय तन्मयतेने सादर केलेल्या “देखो मौसम क्या बहार हैं..” , “निंद ना मुझको आये..” , , “याद किया दिल ने कहा हो तुम ..” , “इतना ना मुझसे तू प्यार बढा …” अशा अवीट गोडीच्या युगुलगीतांनी रसिकांना मंत्रमुग्ध केले; तर “आजा सनम मधुर चांदणी मे हम…” या बहारदार गीताने खरोखरच बहार आणली. “आएगा आयेगां आनेवाला आयेंगा.” , “ओ रात के मुसाफिर…” , “हाल कैसा हैं जनाब का..” या गीतांनी मैफलीत वेगळीच रंगत आणली.
कृष्णधवल मैफलीच्या सर्व गीताचे अप्रतिम सादरीकरण रसिकांनी खूप भावले. कार्यक्रमाच्या दरम्यान महिला दिनानिमित्त समूहातील महिला गायिका आणि एडव्होकेट स्मिता शेटे यांचा सत्कार करण्यात आला. तसेच डॉक्टर किशोर वराडे आणि छाया अय्यर यांचे वाढदिवसाच्या निमित्त अभिष्टचिंतन करण्यात आले. महिला दिनाच्या निमित्त सोडत काढून त्यातून एक पैठणी आणि ४ भेट वस्तू महिलांना देण्यात आल्या. पैठणीच्या मानकरी विमल सोपान बऱ्हाटे या ठरल्या आणि इतर बक्षिसे शिल्पा कंकाळ,अर्चना भोंडवे,सुहासिनी शिंदे,स्मिता शेटे याना सोडती मधून देण्यात आली. विनायक कदम, नंदकुमार कांबळे यांनी संयोजन केले. सचिन शेटे, सनी शर्मा,अंकिता जंगम यांनी विशेष साहाय्य केले. शैलेश घावटे यांनी ध्वनिसंयोजन केले. सौमिल घावटे यांनी दृकश्राव्यचित्रण केले. आकाश गाजुल यांनी छायाचित्रण केले. अरुण सरमाने यांनी निवेदन केले.
Join Our Whatsapp Group