२४ तासांच्या आत आरोपी जेरबंद, १६ लाख ९२ हजारांचे सोन्याचे दागिने हस्तगत; गुन्हे शाखा युनिट १ च्या पथकाची कामगिरी

दि.१२ एप्रिल रोजी तो के. एस. बी. चौकातील बीआरटी बस स्टॉपजवळ संशयास्पदरीत्या थांबलेला दिसून आला. त्याने शर्टच्या आत काही वस्तू लपवल्याची माहिती खात्रीशीर सूत्रांकडून मिळाल्यानंतर युनिट १ च्या पथकातील पोलीस उपनिरीक्षक शिवाजी कानडे, पोलीस अंमलदार महादेव जावळे, गणेश महाडीक, सचिन मोरे, प्रमोद गर्जे व तानाजी पानसरे यांनी तातडीने घटनास्थळी धाव घेऊन आरोपीस ताब्यात घेतले. त्याच्याकडून सुमारे २५ तोळे सोन्याचे व १६० ग्रॅम चांदीचे दागिने असा एकूण १६ लाख ९२ हजार ३०० रुपयांचा मुद्देमाल जप्त करण्यात आला. विशेष म्हणजे ही कारवाई गुन्हा घडल्यानंतर केवळ २४ तासांत करण्यात आली.

ही उल्लेखनीय कामगिरी गुन्हे शाखा युनिट १ चे पोलीस निरीक्षक सुहास आव्हाड यांच्या मार्गदर्शनाखाली करण्यात आली असून कारवाईत पोलीस उपनिरीक्षक शिवाजी कानडे, पोलीस अंमलदार महादेव जावळे, गणेश महाडीक, सचिन मोरे, प्रमोद गर्जे आणि तानाजी पानसरे यांनी केली आहे.