शब्द देतो नाही.. पाळतो म्हणजे पाळतोच..! “तत्पर कृती अजित नीती”

उपमुख्यमंत्री अजितदादा पवार यांच्या वाढदिनी शहरात लक्षवेधी फलकबाजी

प्रगतीचा चेहरा अजितदादा…

अजितदादा पवार यांनी राज्यातील शेतकरी, कामगार, मध्यमवर्ग, युवक यांच्यासाठी घेतलेल्या ठोस निर्णयांमुळे त्यांची प्रतिमा एका कार्यक्षम, पारदर्शक आणि लोकाभिमुख नेतृत्वकर्त्याची बनली आहे. पिंपरी-चिंचवड परिसरातील जलसंपदा, वाहतूक, उद्योगवाढ, शिक्षण सुविधा यामध्ये त्यांनी दिलेल्या योगदानामुळेच पिंपरी चिंचवड शहराचा लौकिक देश पातळीवर वाढला आहे.

शब्द नाही, कृती बोलते… 

“शब्द देतो नाही, पाळतो म्हणजे पाळतोच.. तत्पर कृती अजित नीती” या घोषवाक्यांद्वारे अजित पवार यांची कार्यपद्धती अधोरेखित केली जात आहे. त्यांनी दिलेल्या आश्वासनांचे प्रत्यक्षात रूपांतर विकासकामांमध्ये झाले आहे. त्यांच्या प्रत्येक निर्णयामागे सामान्य नागरिकांचा विचार आणि राज्याच्या सर्वांगीण विकासाचे ध्येय असते, हे या मोहिमेतून अधोरेखित करण्यात आले आहे.

अभयशेठ मांढरे आणि त्यांच्या मित्र परिवाराने ही शुभेच्छा मोहीम उचलून धरत, वाढदिवस केवळ औपचारिक न ठेवता, त्याला जनसंपर्क, कृतज्ञता आणि प्रेरणेचे स्वरूप दिले आहे. “अजितदादा म्हणजे शब्दाला मान आणि कृतीतून प्रेरणा” असा संदेश त्यांनी दिला आहे.