काँग्रेसचा मास्टर स्ट्रोक, प्रियांका गांधींची सक्रीय राजकारणात ‘एंट्री’

Posted By: Adminon: January 23, 2019In: ताज्या घडामोडी, देशNo Comments

Share :

नवी दिल्ली (Pclive7.com):- लोकसभा निवडणुकीच्या पार्श्वभूमीवर काँग्रेसने मोठा निर्णय घेतला आहे. प्रियांका गांधी यांची पक्षाच्या सरचिटणीसपदी नियुक्ती करण्यात आली आहे. त्यांच्यावर उत्तर प्रदेश पूर्वच्या प्रभारी पदाची जबाबदारीही सोपविण्यात आली आहे. या माध्यमातून त्यांचा सक्रिय राजकारणात प्रवेश झाला असून हा काँग्रेसचा मास्टर स्ट्रोक मानला जात आहे.

काँग्रेसने उत्तरप्रदेशमध्ये दोन सरचिटणीस नियुक्त केले आहेत. यानुसार उत्तर प्रदेश (पश्चिम)ची जबाबदारी ज्योदिरादित्य सिंधिया यांच्यावर सोपवण्यात आली आहे. एक फेब्रुवारीपासून प्रियांका गांधी आपली जबाबदारी सांभाळतील. उत्तर प्रदेशात लोकसभेच्या एकूण ८० जागा आहेत. राहुल सध्या उत्तर प्रदेशातच आहेत. येथे सपा आणि बसपा यांनी यापूर्वीच युतीची घोषणा केली आहे.

Share :