तळेगाव (Pclive7.com):- तळेगाव एमआयडीसीजवळील जाधववाडी धरणात बुडून एका महाविद्यालयीन युवकाचा मृत्यू झाला. ही दुर्घटना मंगळवारी (दि.२५) सायंकाळच्या सुमारास घडली. आदित्य शरद राहणे (वय २१) असे पाण्यात बुडून मृत्यू झालेल्या महाविद्यालयीन युवकाचे नाव आहे. त्याच्या दोन मित्रांना वाचविण्यात सुदुंबरे येथील एनडीआरएफच्या पथकाला यश आले आहे.
पोलिस सूत्रांनी दिलेल्या माहितीनुसार, भीमाशंकर दिनेश मठपती (वय २१), आदित्य निळे (वय २१) आणि आदित्य शरद राहणे (वय २१) हे तिघे तळेगाव दाभाडे स्टेशन भागातील नूतन इंजिनिअरिंग कॉलेजचे विद्यार्थी असून ते जाधववाडी धरण परिसरात मंगळवारी (दि.२५) सायंकाळी साडे सहाच्या सुमारास फिरण्यासाठी आले होते. हे तिघे जाधववाडी धरण पाणलोट क्षेत्रातील पाण्यात उतरले होते.
पण पाण्याच्या खोलीचा अंदाज न आल्याने आदित्य राणे हा पाण्यात बुडाला. त्याला तळेगाव जनरल हॉस्पिटल येथे दाखल केले असता उपचारापूर्वीच तो मृत झाल्याचे डॉक्टरांनी घोषित केले. तपास तळेगाव एमआयडीसी पोलिस करीत आहेत.
Join Our Whatsapp Group