मुंबई (Pclive7.com):- महाराष्ट्रात दिवसभरात कोरोनाचे ३ हजार ८३७ रुग्ण पॉझिटिव्ह आढळले आहेत. तर ८० मृत्यूंची नोंद झाली आहे. तर मागील २४ तासांमध्ये ४ हजार १९६ रुग्णांना डिस्चार्ज देण्यात आला आहे. महाराष्ट्रातील करोना रुग्णांची एकूण संख्या १८ लाख २३ हजार ८९६ इतकी झाली आहे. तर आजपर्यंत एकूण १६ लाख ८५ हजार १२२ रुग्णांनी करोनावर मात केली आहे. आज घडीला महाराष्ट्रात ९० हजार ५५७ अॅक्टिव्ह केसेस आहेत. तर कोरोनाची बाधा होऊन आत्तापर्यंत महाराष्ट्रात एकूण ४७ हजार १५१ रुग्णांचा मृत्यू झाला आहे. महाराष्ट्र शासनाच्या आरोग्य विभागाने ही माहिती दिली आहे.
महाराष्ट्रात आत्तापर्यंत १६ लाख ८५ हजार १२२ रुग्णांनी कोरोनावर मात केली आहे. त्यामुळे महाराष्ट्रातील कोरोना रुग्ण बरे होण्याचे प्रमाण म्हणजे रिकव्हरी रेट हा ९२.३९ टक्के इतका झाला आहे. तर राज्यातील मृत्यू दर हा २.५९ टक्के आहे.
आजवर तपासणीसाठी पाठवण्यात आलेल्या १ कोटी ८ लाख ५६ हजार ३८४ प्रयोगशाळा नमुन्यांपैकी १८ लाख २३ हजार ८९६ नमुने पॉझिटिव्ह आले आहेत. आज घडीला राज्यात ५ लाख ३५ हजार ५३० व्यक्ती होम क्वारंटाइन आहेत. तर ६ हजार ३५४ व्यक्ती संस्थात्मक क्वारंटाइन आहेत. आज घडीला राज्यात ९० हजार ५५७ रुग्णांवर उपचार सुरु आहेत.
Join Our Whatsapp Group