पिंपरी (Pclive7.com):- अयोध्या राम नगरी येथे प्रभू श्रीराम जन्मभुमी प्राणप्रतिष्ठा सोहळा आयोजित करण्यात आला होता. याचे औचित्य साधत आज दि.२२ जानेवारी २०२४ रोजी रहाटणी व पिंपळे सौदागर येथील रहाटणी मधील श्री राम मंदीर व पिंपळे सौदागर येथील महादेव मंदीर येथे नाना काटे सोशल फाऊंडेशन, उमेश काटे सोशल फाऊंडेशन, सागर कोकणे युवा मंचच्या वतीने सामुहिक राम आरती, रामरक्षा पठण, भजन, किर्तन, महाप्रसाद वाटप आदी विविध कार्यक्रम घेण्यात आले होते.
राम भजन कार्यक्रम झाल्यानंतर नाना काटे, शितलताई काटे, उमेश काटे, सागर कोकणे यांच्या हस्ते प्रभु श्री राम याच्या मुर्तीची सामुदायिक आरती करण्यात आली. तसेच परिसरातील नागरिकांना अयोध्या येथील सोहळा पाहता यावा यांचे साक्षीदार होता यावे, यासाठी कार्यक्रमाच्या ठिकाणी एलईडी स्क्रीन द्वारे थेट प्रक्षेपणाचे आयोजन करण्यात आले होते.
या कार्यक्रमाची सुरूवात २ दिवस पुर्वी सर्वात प्रथम रहाटणी येथील श्री राम मंदीराची स्वच्छता विठ्ठल उर्फ नाना काटे यांच्या हस्ते करून कार्यक्रमाला सुरूवात करण्यात आली होती. तसेच नाना काटे सोशल फाऊंडेशन व उमेश काटे सोशल फाऊंडेशनच्या वतीने रहाटणी पिंपळे सौदागर मधील नागरिकाना घरोघरी जाऊन अयोध्या येथील राम मंदीराची प्रतीकृती, पणतीचे वाटप करण्यात आले. या कार्यक्रमास परिसरातील नागरिकांनी भाविकांनी मोठ्या प्रमाणात प्रतिसाद देत महाप्रसादाचा लाभ घेतला. यावेळी परिसरातील रहाटणी, पिंपळे सैदागर मधील भाविक भक्त, भजनी मंडळ, राम मंदीराचे सेवक, शिवशंभो सेवा मंडळांचे सदस्य, नागरिक मोठ्या संख्येने उपस्थित होते.
Join Our Whatsapp Group