भोसरी एमआयडीसीतील दुकानातून ४० लाख ५० हजारांचे साहित्य चोरणाऱ्या मुंबईतील टोळीला अटक

पिंपरी (Pclive7.com):- एमआयडीसी भोसरी मधील ब्राईट इंडिया टूल्स या दुकानातून ४० लाख ५० हजारांचे साहित्य चोरून नेणाऱ्या मुंबईतील टोळीला एमआयडीसी भोसरी आणि गुन्हे शाखा युनिट पाचने अटक केली. त्यांच्याकडून ४० लाख ५० हजार रुपये किमतीचे साहित्य जप्त करण्यात आले आहे. मुंबईतून एमआयडीसी भोसरी परिसरात येऊन ही चोरी केली होती.

हुसेनअली शौकतअली सय्यद (४५, नाशिक. मूळ रा. उत्तर प्रदेश), सोहेल फकरुद्दीन कुरेशी (२५, गिरगाव मुंबई. मूळ रा. उत्तर प्रदेश), असिफ युसूफ खान (३९, सायन मुंबई), अजमत अजगर अली (४३, भेंडी बाजार, मुंबई. मूळ रा. उत्तर प्रदेश) अशी अटक केलेल्या आरोपींची नावे आहेत.