पिंपरी (Pclive7.com):- भोसरी परिसरात सराईत गुन्हेगार सनी गुप्ता टोळी वर्चस्वासाठी आणि आर्थिक फायद्यासाठी टोळी बनवून गुन्हे करत होते. यामुळे त्यांच्यावर प्रतिबंधात्मक कारवाई करणे आवश्यक होते. याबाबतचा प्रस्ताव भोसरी पोलीस ठाण्याचे वरिष्ठ पोलीस निरीक्षक शंकर अवताडे, पोलीस निरीक्षक (गुन्हे) देवेंद्र चव्हाण यांनी पोलीस उपायुक्त स्मिता पाटील यांच्यामार्फत सादर करण्यात आला. हा प्रस्ताव पारित करण्यात आला असून सनी गुप्ता टोळीवर मोक्काची कारवाई करण्याचे आदेश अपर पोलीस आयुक्त रामनाथ पोकळे यांनी आज (मंगळवारी) दिले.
टोळीप्रमुख सनी ऊर्फ सँडी कन्हैयालाल गुप्ता (वय २४, रा. मोशी), गुरुदत्त ऊर्फ बाबा अशोक पांडे (वय ३२, रा. भोसरी), शशिकांत कन्हैयालाल गुप्ता (वय २०, रा. मोशी), विकास शामलाल जैसवाल (वय १८, रा. भोसरी), शिवाजी किसन खरात (वय २३, रा. भोसरी) अशी मोक्काची कारवाई झालेल्या टोळीतील सदस्यांची नावे आहेत.
ही कारवाई पोलीस आयुक्त संदीप बिष्णोई, अपर पोलीस आयुक्त रामनाथ पोकळे, उपायुक्त सुधीर हिरेमठ, उपायुक्त स्मिता पाटील, सहाय्यक आयुक्त श्रीधर जाधव, सहाय्यक आयुक्त रामचंद्र जाधव यांच्या मार्गदर्शनाखाली पोलीस निरीक्षक विवेक मुगळीकर, वरिष्ठ पोलीस निरीक्षक शंकर अवताडे, पोलीस निरीक्षक (गुन्हे) देवेंद्र चव्हाण, पोलीस कर्मचारी सचिन चव्हाण, अनिकेत पाटोळे यांच्या पथकाने केली.