पिंपरी (Pclive7.com):- भोसरीतील डब्लू. टी. ई. इन्फ्रा प्रोजेक्ट प्रायव्हेट लि. कंपनीच्या वतीने ‘वॉटर वर्ल्ड’ या मासिकाचे अनावरण आयुक्त हर्डीकर, आमदार महेश लांडगे, महापौर नितीन काळजे यांच्या हस्ते झाले.
चिंचवड येथील ऑटो क्लस्टर सभागृहात झालेल्या या कार्यक्रमाला महापालिकेतील पर्यावरण विभागाचे कार्यकारी अभियंता संजय कुलकर्णी, उद्योजक कार्तिक लांडगे, कंपनीचे संचालक अशोक कुलकर्णी, प्रसाद कुलकर्णी, विनोद भोळे, रंगनाथ रणपिसे, नितीन घाडगे यांच्यासह कामगार उपस्थित होते.
आयुक्त हर्डीकर म्हणाले की, डब्लू.टी.ई. इन्फ्रा प्रोजेक्ट प्रायव्हेट लि. कंपनीने स्वतःचं ‘वॉटर वर्ल्ड’ या मासिकाचा अंक प्रसिध्द करून एका अनोख्या क्षेत्रात ठसा उमटविला आहे. कंपनीचा हा प्रयत्न अन्य कंपन्यांसाठी प्रेरणादायी आहे. मी एक तांत्रिक अभियंता असल्याने पाण्यावरील प्रक्रीया आणि त्यासाठी लागणार प्रयत्न तसेच तांत्रिक गोष्टींची गरज आणि महत्व जाणून आहे. स्पर्धेच्या युगामध्ये कोणत्याही कंपनीला ‘ब्रँडिंग’ करण्याशिवाय पर्याय नाही. ‘ब्रँडिंग’मुळेच अनेक जागजिक कंपन्यांनी भारतीय बाजारपेठेत टिकाव धरला आहे. व्यावसाय क्षेत्रात आपला पाया भक्कम करण्यासाठी आपल्याला स्पर्धक बनावेच लागेल, असे मत आयुक्त श्रावण हर्डीकर यांनी व्यक्त केले.
कंपनीचे संचालक प्रसाद कुलकर्णी म्हणाले की, केवळ कंपनीमध्ये अंतर्गत संवाद घडविण्यासाठी या मासिकाचे अनावरण केले नसून, यामुळे जगाशी संपर्क वाढवता येणार आहे. ‘वॉटर वर्ल्ड’ मासिक कंपनीला कागदोपत्री मदतीचे ठरणार आहे. पहिल्या अंकात कंपनीची 200 स्क्वेअर फुटापासून ते 40 हजार स्क्वेअर फुट आणि पाच कामगारांपासून ते 300 कामगारांपर्यंत कंपनीच्या यशाची वाटचाल अधोरेखित करण्यात येणार आहे.
Join Our Whatsapp Group