मर्सिडीज बेंझ कार मधून फिरवून दहावीतील विद्यार्थ्यांचा गौरव; KMM संस्थेचा अनोखा उपक्रम

Posted By: Adminon: September 28, 2025In: ताज्या घडामोडी, पिंपरी-चिंचवडNo Comments

Share :

पिंपरी (Pclive7.com):- पुनावळे येथे दहावीतील विद्यार्थ्यांना KMM स्टार ऑफ द फ्यूचर अवॉर्ड्सने गौरविण्यात आले. यावेळी या विद्यार्थ्यांना विशेष मर्सिडीज बेंझ राईड देऊन अनोखा उपक्रम केला.

२०१५ मध्ये सर्वात जास्त तरुण लोकसंख्या भारतात असणार आहे, हे आपण बघतोच आहोत. आपल्या तरुणांना काम मिळाले पाहिजे, स्वतःवर विश्वास ठेवला पाहिजे, उपलब्ध काम करण्यासाठी त्यांनी तयार असले पाहिजे. त्यासाठी शिक्षण, औद्योगिक कौशल्य, चांगले वर्तन आणि मानसिक कौशल्यांसह शारीरिक तंदुरुस्ती असणे गरजेचे आहे. यासाठी विद्यार्थ्याचे मनोबल वाढवायचे प्रयत्न रोहित ग्रुप करत आहे.

आयुष्य जगण्याच्या आवश्यक त्या मानसिक कौशल्यांचा अभाव आपल्यात सर्वांना जाणवतो. छोट्या-छोट्या समस्यांना आपण तोंड देत नाही, अडचणींवर मात करण्याची आपली क्षमता कमी होते.

त्यामुळे आत्महत्या, गुन्हे, व्यसन, वाईट वर्तणूक, नैराश्य अशा मानसिक आजारांचा त्रास आपल्या समाजात वाढतो. याचे प्रमुख कारण म्हणजे – IPNA (Inadequate Preparations Negative Attitudes) म्हणजेच तरुणाईकडे तयारीचा आणि सकारात्मक विचारांचा अभाव.

एकीकडे मुलांना खूप जास्त शिकवले जाते, पण दुसरीकडे आयुष्य जगण्यासाठी लागणाऱ्या गोष्टी शिकवल्या जात नाहीत. यामुळेच “कीप मूव्हिंग मूव्हमेंट” (KMM) हे काम करीत आहे. मुलांना आयुष्याच्या समस्यांना तोंड देत जीवन जगायला शिकवणे, हे या कार्यक्रमाचे मुख्य उद्दिष्ट आहे.

मुलांकडून या कार्यक्रमाला अतिशय उत्तम प्रतिसाद मिळतो. सत्रांमध्ये अभ्यासासोबत त्यांचा देशाचा, समाजाचा, कुटुंबाचा, स्वतःचा विचार बदलतो. त्यांचे भावनिक, मानसिक आणि शैक्षणिक प्रगतीत परिणामकारक बदल दिसतात.

दहा वर्षांपासून KMM ही कार्ये करत आहे. पुण्यासह ७५० शाळांमध्ये ८वी आणि ९वीच्या विद्यार्थ्यांसाठी भावनिक कौशल्यांवर आधारित सत्रे घेतली जातात. मुलांना “माझं मन” या विषयावर बोलायला संधी मिळते.

या सत्रांमध्ये ते आपले विचार व्यक्त करतात – जसे राग, दु:ख, भीती, चिंता, वाईट सवयी, अशा गोष्टींवर ते चर्चा करतात. यामुळे त्यांच्या मनातील ताण हलके होतात. २४ तास KMM हे काम करत असून, मुलांचे आयुष्य बदलण्यासाठी सतत प्रयत्नशील आहे. “सर्वोत्कृष्ट NGO” असा सन्मान मिळवून KMM ने “महाराष्ट्र, दिल्ली, राजस्थान” येथे शिक्षणक्षेत्रात उत्तम कामगिरी केली आहे.