वनराज आंदेकर खून प्रकरणाचा मुख्य सूत्रधार सोमनाथ गायकवाड गजाआड; आंदेकर यांची बहीण आणि भाचाही अटकेत

पुणे (Pclive7.com):- राष्ट्रवादी काँग्रेसचे माजी नगरसेवक वनराज आंदेकर यांच्यावर गोळीबार आणि कोयत्याने वार करून खून केल्याप्रकरणी मुख्य सूत्रधार सोमनाथ गायकवाड, बहीण संजीवनी जयंत कोमकर आणि भाचा प्रकाश कोमकर यांना रात्री उशिरा अटक करण्यात आली.

खून प्रकरणात आत्तापर्यंत पाच जणांना अटक करण्यात आली आहे. कौटुंबिक आणि संपत्तीच्या वादातून वनराज आंदेकर यांच्यावर गोळीबार करून खून करण्यात आल्याची घटना शनिवारी रात्री घडली. याप्रकरणी आंदेकर यांचा मेहुणा जयंत कोमकर आणि त्यांचा भाऊ गणेश कोमकरला अटक करण्यात आली. न्यायालयाने कोमकर यांना ९ सप्टेंबर पर्यंत पोलिस कोठडी सुनावली आहे. या प्रकरणात एकूण पंधरा जणांवर गुन्हा दाखल करण्यात आला आहे.