भरधाव डंपरच्या धडकेत तरूणी जागीच ठार

पोलिसांनी दिलेल्या माहितीनुसार, येरवडा परिसरातील शास्त्रीनगर रस्त्यावर आज सकाळी साडे नऊ वाजण्याच्या सुमारास भाग्यश्री रमेश नायर (वय २७) या त्यांच्या दुचाकीवरून (एमएच १५ एफसी २६१) जात होत्या. त्याचवेळी मागून येणाऱ्या भरधाव डंपरने त्याच्या दुचाकीला जोरात धडक दिली. यात नायर या दुचाकीवरून खाली पडल्या. यात नायर यांच्या डोक्याला जबर मार लागल्याने आणि रक्तस्त्राव झाल्याने जागीच मृत्यू झाला. नायर या एका बँकेत कामास होत्या, अशी माहिती समजते.

सागर नवनाथ चौगुले या डंपर चालकास पोलिसांनी ताब्यात घेतले असून पुढील तपास येरवडा पोलीस करत असल्याची माहिती देण्यात आली.