पिंपरी (Pclive7.com):- राज्य शासनाने २३ जून रोजी प्लास्टिक बंदीची काटेकोरपणे अंमलबजावणी करण्याचा निर्णय घेतला. केवळ निर्णय न घेता, निर्णयाची अंमलबजावणी देखील सुरु झाली. हजारो किलो प्लास्टिक आणि लाखो रुपयांचा दंड वसूल करण्यात आला. आजकाल सर्वच वस्तू प्लास्टिकच्या मिळत आहेत. त्यामुळे प्लास्टिकला नागरिकांनी जगण्याचा मूलाधार मानला आहे. प्लास्टिक मानवी जीवनासाठी आणि पृथ्वीसाठी अतिशय घातक आहे. प्लास्टिकचे हे अतिक्रमण रोखण्यासाठी भोसरी विधानसभा मतदार संघाचे आमदार महेश लांडगे सज्ज झाले आहेत. त्यांनी आज माऊलींच्या पालखीचे स्वागत करताना पर्यावरण पूरक संदेश देणारा पेहराव केला होता.
झाडे लावा ठायी ठायी मिटून जाईल पाणी टंचाई, प्लास्टिक नहीं कोई शान, मिटा दो उसका नामो-निशान, प्लास्टिक वापरापासून राहू दूर वसुंधरेचे संरक्षण होईल भरपूर, पर्यावरणाचे प्रदूषण करू नका प्लस्टिक अट्टहास धरू नका, प्लॅस्टिक हटवा देश वाचवा, पर्यावरण वाचवा भविष्य घडवा, झाडे लावा पर्यावरण वाचवा अशा प्रकारचे संदेश नैसर्गिक रंगांनी आपल्या कपड्यांवर लिहून त्यांनी प्लास्टिकमुक्ति आणि पर्यावरण पूरकतेचे संदेश दिले.
संत ज्ञानेश्वर महाराजांच्या पालखीसोबत पायी पंढरपूरला जाणा-या प्रत्येक वारक-यामध्ये विठू माउली वास करत असते. त्यामुळे आळंदीहून जाणा-या वारक-यांची सेवा हीच विठ्ठल सेवा मानून आमदार महेश लांडगे यांच्यातर्फे दिंडीतील वारक-यांना भेटवस्तू, छत्री, टोप्या आणि खाद्य पदार्थांचे वाटप करण्यात आले. भोसरीमार्गे पालखी आज पुण्याच्या दिशेने रवाना झाली. यावेळी वारक-यांच्या चेह-यावर निखळ आनंद होता.
Join Our Whatsapp Group