राष्ट्रीय प्रशिक्षक व आंतरराष्ट्रीय पंच चंद्रशेखर कुदळे यांचा महापालिकेच्या वतीने सत्कार; विविध क्रीडा स्पर्धेत प्राविण्य मिळविलेल्या खेळाडूंचाही गुणगौरव

पिंपरी (Pclive7.com):- राष्ट्रीय प्रशिक्षक व आंतरराष्ट्रीय पंच चंद्रशेखर कुदळे यांचा महापौर माई ढोरे यांच्या हस्ते सत्कार करण्यात आला. तसेच विविध क्रीडा स्पर्धेत प्राविण्य मिळविलेल्या शहरातील खेळाडूंचाही गुणगौरव पिंपरी चिंचवड महापालिकेच्यावतीने करण्यात आला.

पिंपरी चिंचवड महानगरपालिकेच्या मुख्य प्रशासकीय इमारतीमध्ये झालेल्या या कार्यक्रमास स्थायी समिती सभापती अॅड. नितीन लांडगे, सत्तारुढ पक्षनेते नामदेव ढाके, क्रीडा कला साहित्य व सांस्कृतिक समिती सभापती उत्तम केंदळे, महिला व बाल कल्याण समिती सभापती चंदा लोखंडे, अ प्रभाग अध्यक्षा शर्मिला बाबर, नगरसदस्य संदीप वाघेरे, शैलेश मोरे, नगरसदस्य अनुराधा गोरखे, योगिता नागरगोजे, निर्मला गायकवाड, क्रीडा विभागाचे उपआयुक्त संदीप खोत, क्रीडा अधिकारी रज्जाक पानसरे, विभागाचे प्रफुल्ल पुराणिक, संजय नागपुरे, शितल मारणे, क्रीडा शिक्षक उपस्थित होते.

पिंपरी चिंचवड शहराने अनेक जिल्हा, राष्ट्रीय आणि आंतरराष्ट्रीय स्तरावर खेळाडू घडविले असून त्यांच्या दैदिप्यमान कामगिरीमुळे शहराच्या नाववलौकिकात भर पडली असल्याचे प्रतिपादन महापौर उषा उर्फ माई ढोरे यांनी केले.

पिंपरी चिंचवड मनपा परिसरातील विविध क्रीडा स्पर्धांमध्ये प्राविण्य मिळविलेले खेळाडू तसेच प्रशिक्षक यांची माहिती पुढील प्रमाणे

शहरातील खेळाडूंना प्रोत्साहन आणि त्यांच्या कलागुणांना वाव मिळावा यासाठी महापालिका नेहमी प्रयत्नशील असते.  विजेत्या खेळाडूंचे अभिनंदन करताना शहरातील उदयोन्मुख खेळाडूंना देखील त्यांनी शुभेच्छा दिल्या. सत्तारुढ पक्षनेते नामदेव ढाके म्हणाले कोरोनाच्या पार्श्वभूमीवर ऑनलाईन कार्यक्रम आयोजित केला त्याला सर्वांनी उत्तम प्रतिसाद दिला असून खेळाडूंनी आपली खिलाडू वृत्ती जोपासावी तसेच त्यांना भविष्यातील कामगिरीसाठीही शुभेच्छा दिल्या.

कार्यक्रमाचे सूत्रसंचालन व मान्यवरांचे आभार माहिती व जनसंपर्क विभागाचे प्रफुल्ल पुराणिक यांनी मानले.