पिंपरी (Pclive7.com):- पिंपरी-चिंचवड महापालिकेच्या आगामी निवडणुकांच्या पार्श्वभूमीवर प्रभाग क्रमांक २२ मध्ये राष्ट्रवादी काँग्रेस पक्षाचे अधिकृत उमेदवार मच्छिंद्र भाऊसाहेब तापकीर यांनी सशक्त, पारदर्शक आणि लोकाभिमुख विकासाचा ठाम निर्धार व्यक्त केला आहे. “शासकीय निधीचा योग्य वापर, नियमित जनसंपर्क आणि थेट उत्तरदायित्व” हीच आपल्या कार्यपद्धतीची तीन सूत्रे असतील, असे त्यांनी स्पष्ट केले आहे.
प्रभाग क्रमांक २२ हा औद्योगिक, निवासी आणि व्यापारी भागांचा समतोल असलेला प्रभाग आहे. येथे पायाभूत सुविधा, पाणीपुरवठा, ड्रेनेज, रस्ते, आरोग्य, शिक्षण आणि स्वच्छता या मूलभूत प्रश्नांवर ठोस आणि वेळेत उपाययोजना होणे गरजेचे आहे. या पार्श्वभूमीवर मच्छिंद्र तापकीर यांनी विकासाला केवळ घोषणांपुरते मर्यादित न ठेवता प्रत्यक्ष अंमलबजावणीवर भर देण्याचे आश्वासन दिले आहे.
“प्रभागातील प्रत्येक रुपया हा जनतेच्या हितासाठीच खर्च झाला पाहिजे. निधीचा अपव्यय थांबवून गुणवत्तापूर्ण कामे केली जातील. रस्ते असोत, पाणीपुरवठा असो किंवा सार्वजनिक सुविधा — प्रत्येक कामात दर्जा आणि पारदर्शकता राखली जाईल,” असे तापकीर यांनी सांगितले. तसेच नागरिकांच्या तक्रारी, सूचना आणि अपेक्षा थेट ऐकण्यासाठी नियमित जनसंपर्क कार्यालय, वॉर्ड पातळीवरील बैठका आणि प्रत्यक्ष भेटी यांना प्राधान्य दिले जाईल, असेही त्यांनी नमूद केले.
आरोग्य सुविधांबाबत बोलताना त्यांनी ज्येष्ठ नागरिक, महिला आणि लहान मुलांसाठी विशेष योजना राबवण्याचा मानस व्यक्त केला. मोफत आरोग्य तपासणी शिबिरे, स्वच्छतेवर भर, पिण्याच्या पाण्याची गुणवत्ता सुधारणा आणि ड्रेनेज व्यवस्थेचे सुसूत्रीकरण या मुद्द्यांवर तातडीने काम केले जाईल, असा विश्वास त्यांनी व्यक्त केला.
शिक्षण आणि युवकांसाठी क्रीडा सुविधा, वाचनालये, कौशल्य विकास उपक्रम, तसेच महिलांसाठी सुरक्षितता व स्वावलंबनाच्या योजना राबवण्यावरही त्यांचा भर आहे. “विकास हा सर्वसमावेशक असला पाहिजे. प्रभागातील प्रत्येक घटकाला न्याय मिळाला पाहिजे,” असे त्यांनी स्पष्ट केले.
राष्ट्रवादी काँग्रेस पक्षाच्या विचारधारेनुसार सामाजिक न्याय, लोकशाही मूल्ये आणि विकास यांचा समतोल साधण्याचा प्रयत्न राहील, असे सांगत त्यांनी मतदारांना आवाहन केले आहे. आगामी निवडणुकीत अनुक्रमांक दोन समोरील ‘घड्याळ’ चिन्हाचे बटन दाबून मच्छिंद्र भाऊसाहेब तापकीर यांना मतदान करा आणि प्रचंड बहुमताने विजयी करा, असे आवाहन त्यांनी केले.
प्रभाग क्रमांक २२ च्या उज्ज्वल भविष्यासाठी, उत्तरदायी नेतृत्व आणि पारदर्शक विकासासाठी नागरिकांचा कौल आपल्यालाच मिळेल, असा ठाम विश्वास मच्छिंद्र तापकीर यांनी व्यक्त केला आहे.
Join Our Whatsapp Group