मुंबई (Pclive7.com):- कुष्ठरोग्यांसाठी झटणारे, त्यांना मानाचे जीवन जगायला शिकवणारे समाजसेवक बाबा आमटे यांना गुगलने खास डूडलद्वारे अभिवादन केले. आज (बुधवार) त्यांच्या १०४व्या जयंतीनिमित्त डूडलने त्यांच्या सामाजिक कार्यातील वैशिष्ट्यपूर्ण कामगिरीची आवर्जून दखल घेतली. त्यांनी त्यांच्या जीवनात वन्य जीवन संरक्षण, नर्मदा बचाओ आंदोलन अशा सामाजिक चळवळींमध्येही सक्रिय सहभाग नोंदवला आहे.
मुरलीधर देवीदास ऊर्फ बाबा आमटेंचा जन्म २६ डिसेंबर १९१४ महाराष्ट्रातील वर्धा जिल्ह्यातल्या हिंगणघाट येथे झाला. त्यांनी वकिलीचे शिक्षण नागपुरात पूर्ण केले. काही काळ वकिली केल्यानंतर त्यांनी कुष्ठरोगनिदानावरील अभ्यासक्रम पूर्ण केला. त्यानंतर कुष्ठरोग्यांच्या शुश्रूषेसाठी त्यांनी महाराष्ट्रातील चंद्रपूरमधील आनंदवन येथे आश्रम सुरू केले. ते आयुष्यभर कुष्ठरोग्यांसाठी झटत राहिले.
Join Our Whatsapp Group