गणेशोत्सवात पुणे मेट्रोला अभूतपूर्व प्रतिसाद; १२ दिवसांत तब्बल ४८ लाख ३२ हजाराहून अधिक प्रवाशांचा प्रवास

“गणेशोत्सवादरम्यान लाखो भाविकांनी पुणे मेट्रोवर दर्शवलेला विश्वास आमच्यासाठी अत्यंत अभिमानास्पद आहे. उत्सव काळात प्रवाशांची वाढती संख्या विचारात घेऊन गाड्यांची वारंवारता दर ५ मिनिटांवर आणणे, २४ तास अखंडित सेवा देणे, स्थानकांवर चोख व्यवस्थापन ठेवणे आणि होणारी गर्दी लक्षात घेता स्वारगेट, महात्मा फुले मंडई व डेक्कन जिमखाना या मेट्रो स्थानकांवर वैद्यकीय सुविधा उपलब्ध करून देण्यात आली होती, यामुळे हा ऐतिहासिक प्रवास सुलभ व सुरक्षित होऊ शकला. पुणेकरांनी आणि बाहेरून आलेल्या भाविकांनी सार्वजनिक वाहतुकीला प्राधान्य देत डिजिटल तिकीट प्रणालीचा मोठ्या प्रमाणावर वापर केला, त्याबद्दल मी सर्व प्रवाशांचे मनापासून आभार मानतो.”

– श्रावण हर्डीकर, व्यवस्थापकीय संचालक, महामेट्रो