पिंपरी (Pclive7.com):- पिंपरी-चिंचवड शहरात दरवर्षी प्रमाणे यंदाही दहीहंडी उत्सवाची जय्यत तयारी करण्यात आली आहे. दरम्यान, रस्त्यावरील वाहतूक सुरळीत रहावी यासाठी शहरातील वाहतूकीत बदल करण्यात आले आहेत. याबाबतचे आदेश पोलिस उपायुक्त बापू बांगर यांनी दिले आहेत.
खालील प्रमाणे करण्यात आले आहेत वाहतुकीत बदल..
तळवडे वाहतुक विभाग –
चिखलीवरुन साने चौक मार्गे जाणाऱ्या सर्व प्रकारच्या वाहनांना प्रवेश बंदी करण्यात आली असून या मार्गावरील वाहने अष्टविनायक चौक मार्गे इच्छित स्थळी जातील. तसेच, कृष्णानगर भाजी मंडई चौकाकडून साने चौक मार्गे जाणारी सर्व प्रकारची वाहने कृष्णानगर चौकातील सेवा रस्त्याने त्रिवेणीनगर चौक मार्गे चिखलीकडे जातील.
दिघी आळंदी वाहतूक विभाग –
च-होली फाटा ते दाभाडे सरकार चौक मार्गे मरकळ शिक्रापूर कडे जाणाऱ्या येणाऱ्या सर्व प्रकारच्या वाहनांना प्रवेश बंदी करण्यात आली असून या मार्गाने येणारी जाणारी वाहने मॅजिक मिठाई स्विट होमजवळ डावीकडे वळून पुलावरुन पीसीएस चौक (धानोरे फाटा) मार्गे इच्छित स्थळी जातील.
तळेगाव वाहतुक विभाग –
लिंब फाटा चौकाकडून तळेगाव स्टेशन चौकाकडे येणाऱ्या जाणाऱ्या वाहतुकीस मारुती मंदिर चौक मार्गे जाण्यास मनाई आहे. ही वाहतूक राज मेडीकल कार्नर जिजामाता चौक – खांडगे पेट्रोल पंप तळेगाव स्टेशन चौक मार्गे इच्छित स्थळी जातील.
भोसरी वाहतूक विभाग –
पुणे- नाशिक महामार्गावरील बाबर पेट्रोल पंप चौकाकडून जायका चहा या दुकानाजवळून भोसरी ओव्हर ब्रिजचे खाली जाणाऱ्या दुचाकी वगळून इतर सर्व प्रकारच्या वाहनांना प्रवेश बंदी करण्यात येत आहे. ही वाहने भोसरी ओव्हर ब्रिज मार्गे पुढे सद्गुरुनगर चौकातून यु टर्न मारुन भोसरी ब्रिज खालून दिघी-आळंदी मार्गे इच्छितस्थळी जातील.
निगडी वाहतूक विभाग –
डॉ. बाबासाहेब आंबेडकर चौक बंटी ग्रुप, मेन रोड आकुर्डी या ठीकाणी येणाऱ्या सर्व प्रकारच्या वाहनांना प्रवेश बंद करण्यात आला असून ही वाहतूक खंडोबा माळ चौकातून म्हाळसाकांत चौकाकडे इच्छित स्थळी जाईल.
लालबहादुर शास्त्री चौक (काचघर चौक) प्राधिकरण निगडी येथे येणाऱ्या सर्व प्रकारच्या वाहतुकीस प्रवेश बंद असून ही वाहतूक भक्तीशक्ती ब्रिजवरुन काचघर चौकात न येऊ देता ती सरळ अप्पूघरमार्गे इच्छीत स्थळी जातील.
Join Our Whatsapp Group