विधीमंडळाच्या हिवाळी अधिवेशनाला आजपासून सुरुवात

सत्ताधाऱ्यांना घेरण्यासाठी विरोधकांची रणनिती..

राज्य विधिमंडळाच्या हिवाळी अधिवेशनास आजपासून  नागपुरात सुरुवात होणार आहे. आगामी निवडणुका डोळ्यासमोर ठेवून मोठ्या घोषणांची शक्यता आहे. आरक्षणाच्या मुद्द्यावरून अधिवेशनात सत्ताधारी आणि विरोधक आमनेसामने येण्याची चिन्हे आहेत. या हिवाळी अधिवेशनात शिवसेना ठाकरे गट राज्य सरकारला घेरण्याच्या तयारीत आहे. उद्धव ठाकरेंनी पक्षाच्या सर्व आमदारांना अधिवेशनासाठी विशेष सूचना दिल्या आहेत. सत्ताधारी त्यांना कसं उत्तर देतात याकडे सर्वांचं लक्ष लागलं आहे. उद्धव ठाकरेंनी दिल्यात पक्षाच्या सर्व आमदारांना अधिवेशनासाठी विशेष सूचना दिल्या आहेत. अधिवेशनात शेतकऱ्यांचे प्रश्न प्राधान्याने उपस्थित केले जाणार आहे.  राज्यात अवकाळी पावसामुळे शेतकऱ्यांचे मोठं नुकसान झालं आहे. त्यामुळे अधिवेशनामध्ये सभागृहात आणि सभागृहाच्या बाहेर ठाकरे गट आपली ठाम भूमिका मांडणार आहे. शेतकऱ्यांचा झालेले नुकसान राज्य सरकारच्या निदर्शनास आणून दिले जाणार आहे. राज्यातील शेतकऱ्यांच्या पीक विमा संदर्भात सरकार प्रश्न उपस्थित केले जाणार आहेत.

विरोधकांचा चहापानावर बहिष्कार, फडणवीसांकडून त्यांना पान सुपारी..

विधामंडळाच्या हिवाळी अधिवेशनाला आजपासून (7 डिसेंबर) सुरुवात होत आहे. त्यानिमीत्तानं सत्ताधारी आणि विरोधक नागपूरमध्ये पोहोचले आहेत. दरम्यान, काल (बुधवारी) चहापानाचा कार्यक्रम पार पडला. या कार्यक्रमावार विरोधकांनी बहिष्कार घातला. याबबातची माहिती विधानसभेचे विरोधी पक्षनेते विजय वडेट्टीवार यांनी दिली. चहापानानंतर पार पडलेल्या पत्रकार परिषदेत बोलताना उपमुख्यमंत्री देवेंद्र फडणवीसांनी विरोधकांवर जोरदार हल्ला चढवला. उपमुख्यमंत्री देवेंद्र फडणवीस यांनी विरोधकांवर हल्लाबोल केला. विरोधकांनी चहापानावर बहिष्कार टाकला. विरोधकांसाठी आता सुपारी पान ठेवायला हवं. विरोधकांना विदर्भ मराठवाड्यासाशी काहीही देणं घेणं नाही हे त्यांच्या भूमिकेवरून दिसतं, असं फडणवीस म्हणाले. विरोधी पक्षांच्या दुपारच्या पत्रकार परिषदेत काही नेते झोपले होते, जसे ते तीन राज्यात झोपले, अशी कोपरखळी फडणवीसांनी लगावली.