पिंपरी (Pclive7.com):- पिटा, मोका आणि खुनासारख्या गंभीर गुन्ह्यांतून शिक्षा भोगून बाहेर आलेली कल्याणी उर्फ जयश्री उमेश देशपांडे हिला अमली पदार्थ विरोधी पथकाने आंध्र प्रदेश येथून अटक करण्यात आली. मागील महिन्यात कल्याणीच्या दुकानावर छापा मारून २० किलो गांजा जप्त केला होता. या गुन्ह्यात पूर्वी तिघांना अटक करण्यात आली होती. तर गांजा विक्रीचे रॅकेट चालवणारी मास्टरमाइंड कल्याणी पळून गेली होती. तिचा शोध घेत पोलिसांनी तिला आंध्र प्रदेश मधील ईस्ट गोदावरी जिल्ह्यातून अटक करण्यात आली आहे.
कल्याणी देशपांडे ही सराईत गुन्हेगार आहे. यापूर्वी ती वेश्याव्यवसाय चालवण्यात सक्रीय होती. अनेक पोलिस आधिकाऱ्यांना न जुमानता तिने वेश्याव्यवसाय चालवला होता. तिच्यावर डेक्कन, कोथरूड, चतुःश्रृंगी, हवेली आदी पोलीस ठाण्यांमध्ये खून, पिटा अॅक्ट, मोका आणि फसवणूक आदी गंभीर गुन्ह्यांची नोंद आहे.
ही कारवाई वरिष्ठ पोलीस निरीक्षक संतोष पाटील, सहायक पोलीस निरीक्षक विक्रम गायकवाड, पोलीस अंमलदार जावेद बागसिराज, मयुर वाडकर, शिल्पा कांबळे, गणेश कर्पे यांच्या पथकाने केली.
Join Our Whatsapp Group