पिंपरी (Pclive7.com):- भाजपा महाराष्ट्र प्रदेश अध्यक्ष चंद्रशेखर बावनकुळे व कार्यकारी अध्यक्ष रविंद्र चव्हाण यांच्या निर्देशानुसार महाराष्ट्रात दि.26 एप्रिल व 27 एप्रिल या दिवशी ‘गाव-वस्ती संपर्क अभियान’ राबविण्याच्या बाबत सूचना देण्यात आल्या होत्या. त्यानुसार आमदार अमित गोरखे यांच्या उपस्थितीत पिंपरी विधान मतदार संघात चलो वस्ती संपर्क अभियानाचे आयोजन करण्यात आले होते.
याप्रसंगी आमदार अमित गोरखे यांनी पिंपरी विधानसभा मतदारसंघांमध्ये भारतीय जनता पक्षाच्या वतीने चलो वस्ती संपर्क अभियान राबविण्यात आला. दापोडी, फुगेवाडी, कुंदननगर, सिद्धार्थनगर, संजय नगर, गणेशनगर, सुंदर बाग कॉलनी, एसटी वर्कशॉप, या भागामध्ये प्रामुख्याने या अभियान राबविण्यात आले.
यावेळी स्वच्छता अभियान देखील राबविण्यात आले. तसेच मतदार संघातील नागरिकांसोबत मन की बात कार्यक्रम पाहण्यात आला. संपर्क अभियान अंतर्गत परिसरातील विठ्ठल मंदिर परिसरातील स्वच्छता राबविण्यात आले. प्रभागातील लाभार्थी नागरिकांची घरोघरी जाऊन भेट घेतली. तसेच प्रभागांमध्ये राहत असलेले कारसेवक नंदकिशोर कणसे, महेश शांताराम दाभोळकर, दत्तात्रय गायकवाड, शशिकांत देशपांडे, दादासाहेब ढवाण, जनाभाऊ पेडणेकर, व आणीबाणीतील सुभाष बोधे या सर्व नागरिकांच्या घरी जाऊन आमदार अमित गोरखे यांनी भेट घेतली. तसेच त्यांचा सन्मान करण्यात आला. याप्रसंगी प्रभागातील लाभार्थी संध्या जिजाऊ पवार व इतर नागरिकांच्या घरी भेट दिली.
यावेळी प्रभागात पदयात्रा देखील काढण्यात आली. व प्रभागातील प्रमुख व्यक्तींची संवाद देखील साधला. यावेळी अमित गोरखे यांच्यासोबत संजय कणसे, धर्मेंद्र क्षीरसागर, विशाल वाळुंजकर, सागर फुगे, रघुनाथ जवळकर, दीपाली कणसे, शशिकांत देशपांडे, राजु कानाडे, पक्षाचे पदाधिकारी व कार्यकर्ते मोठ्या संख्येने सहभागी झाले होते.
Join Our Whatsapp Group